Kobe Bryant baðst afsökunar

Stórstjarnan Kobe Bryant hjá LA Lakers segist hafa beðið framkvæmdastjóra félagsins afsökunar á ummælum sínum fyrir fimm vikum þegar hann heimtaði að fara frá félaginu. Bryant hefur ekki dregið ósk sína til baka, en segist hafa hlaupið aðeins á sig vegna óþolinmæði í garð forráðamanna félagsins.

"Mér fannst bara mikilvægt að tala við hann eins og maður við mann og ég bað hann afsökunar á því hvað ég var óþolinmóður. Ég var gramur og lét allt vaða. Ég er núna að einbeita mér að því að æfa með landsliðinu og við verðum bara að sjá hvað gerist í framtíðinni," sagði Bryant, sem hefur æfingar með bandaríska landsliðinu þann 20. júlí í Las Vegas.