Starfa saman að þróun tengitvinnbíla

Ford bílaframleiðandinn ætlar í samstarf við raforkufyrirtæki í Californíu um að auka veg svokallaða tengitvinnbíla, sem hægt er að hlaða í venjulegum innstungum. Tengitvinnbílar myndu gera þeim sem keyra styttri vegalengdir kleift að keyra nær eingöngu á rafmagni.

Forstjórar Ford og Edison orkufyrirtækisins tilkynna um samstarfið á mánudag, sem verður hið fyrsta sinnar tegundar milli bílaframleiðanda og orkufyrirtækis.

Edison orkufyrirtækið hefur lengi verið talsmaður þess að þróaðir verðir bílar af þessu tagi. Fyrirtækið segir að núverandi orkukerfi gæti auðveldlega ráðið við að knýja milljónir bíla væru þeir hlaðnir að nóttu til þegar orkunotkun er lítil.

Google fyritækið hefur staðið fyrir tilraunum í Norður-Kaliforníu þar sem þeir létu tengitvinnbíla sem ekki voru í notkun dæla rafmagni aftur inn á dreifikerfið. Bílarnir gætu þannig verið varauppspretta rafmagns á álagstímum.

Umhverfisverndarsinnar fagna samstarfinu, en þeir hafa lengi þrýst á bílaframleiðendur að framleiða tengitvinnbíla. Þeir segja bílana munu spara ökumönnum pening, minnka mengun og auka öryggi Bandaríkjanna með því að minnka þörf þeirra á innfluttri olíu.