Kortleggja allt yfirborð tunglsins

Kína stefnir að því að kortleggja allt yfirborð tunglsins. Ouyang Ziyuan yfirmaður fyrstu tunglkönnunar áætlunar landsins tilkynnti þetta í dag.

Hann sagði Kína ætla að skjóta á loft tunglfarinu Chang'e One seinnipart árs 2007, en því er ætlað að taka þrívíddar myndir af tunglinu. Einnig áætla þeir að vera búnir að lenda ómönnuðu fari á tunglinu fyrir árið 2010.

Ouyang sagði, "Eins og er, þá er tunglkönnunar áætlun okkar skipt í þrjár áfanga -- fara á sporbaug um tunglið, lenda á tunglinu og snúa aftur til jarðar"

Í öðrum áfanganum mun ómannað far lenda á tunglinu og kanna vandvirknislega ákveðin svæði og þriðji áfanginn miðar að því að koma sýnishornum aftur til jarðar.

Árið 2003 varð Kína þriðja landið á eftir fyrrum Sovétríkjunum og Bandaríkjunum til að senda mann í geiminn með sinni eigin eldflaug. Í október 2005 sendu þeir svo tvo menn á sporbaug um jörðu og áætla geimgöngu fyrir árið 2008.

Geimferðaáætlanir Kína hafa þurft að þola mikla alþjóðlega gagnrýni af ótta við að í gang fari geim- vopnakapphlaup, eftir að þeir sprengdu upp eitt af sínum eigin veðurathugunar gervitunglum með flugskeyti.

Reuters greinir frá.