Stórmarkaðir selja ekki fasteignirnar

Breska stórmarkaðakeðjan William Morrison hefur hætt við sölu á fasteignum fyrirtækisins til að bæta fjárhagsstöðuna.

Breskar verslanakeðjur hafa verið í sviðljósinu undanfarið vegna samdráttar í verslun tilrauna fjárfestingasjóða til að yfirtaka rekstur þeirra á fyrstu mánuðum ársins.

Í kjölfar þess að yfirtakan á Sainsbury rann út í sandinn um miðjan síðasta mánuð þrýsti einn af hluthöfum hennar, breski fasteignafjárfestirinn Robert Tchenguiz, á að fasteignir keðjunnar yrðu losaðar úr rekstrinum og sjálfstætt félag stofnað um þær. Taldi hann Sainsbury verða fjárhagslega sterkara fyrir vikið.

Ken Morrison, stjórnarformaður Morrison og afabarn stofnanda stórmarkaðarins, sagði í síðustu viku að þótt allt stefndi í að Morrison gripi til sömu ráða væri það verslun­inni nauðsynlegt að halda í fasteignir sínar.

Að sögn breska viðskiptablaðsins Financial Times hefur sir Philips Hampton, stjórnarformanns Sainsbury, sömuleiðis dregið í land með sölu fasteigna.