Aldrei meira fjármagn sent úr landi

Innflytjendur frá Mið- og Suður-Ameríku sem starfa í Bandaríkjunum hafa sent 62 milljarða bandaríkjadala, jafnvirði 4.170 milljarða íslenskra króna, af launum sínum til ættingja sinna í heimalandinu, samkvæmt upplýsingum frá Ameríska þróunarbankanum. Reiknað er með því að upphæðin muni nema 100 milljörðum dala, jafnvirði ríflega 6.700 milljörðum króna, árið 2011.

Í flestum tilvikum senda innflytjendur tiltölulega lágar upphæðir til fjölskyldna sinna. Fjárhæðin nemur allt frá 100 til 150 dala, jafnvirði rúmlega 6.700 til 10 þúsund króna.

Heildarupphæðin sem farið hefur úr landi með þessum hætti hefur hins vegar aldrei verið hærri. Hún er langtum meiri en erlendar fjárfestingar í löndum Mið- og Suður-Ameríku og er nú svo komið að tekjur margra landa af peningum sem berast inn í landið með þessum hætti eru einn af megin tekjustofnum ríkisins við hlið tekna af ferðamennsku og olíusölu.

Þróunarbankinn segir peningasendingar sem þessar nýtast afar vel og forða á bilinu átta til tíu milljónum manna frá því að falla í gildru fátæktar.

Stærstu hluti fjármagnsins, 23 milljarðar bandaríkjadala, jafnvirði 1.547 milljarða íslenskra króna, eru sendir til Mexíkó.