Vill starf Sven Gorans

Guus Hiddink, þjálfari PSV og ástralska landsliðsins hefur mikinn áhuga á að taka við enska landsliðinu þegar Sven Goran Eriksson hættir í sumar. Þetta staðfesti umboðsmaður kappans við enska fjölmiðla í dag. ,,Það hefur enginn haft samband en ég veit fyrir víst að Hiddink hefði mikinn áhuga að ræða þennan möguleika ef hann stæði honum til boða" sagði umboðsmaður Hiddink. PSV eru væntanlega ekki glaðir með þessa þróun mála þar sem þeir höfðu vonast til þess að framlengja samningnum við kappann eftir þetta tímabil.