Gæti misst af Spánarleiknum

Kristján Örn Sigurðsson meiddist illa á ökkla í leik Brann og Lilleström í norsku úrvalsdeildinni á miðvikudagskvöldið. Hann lenti illa eftir skallaeinvígi og þó svo að hann hafi reynt að halda áfram eftir það varð fljótlega ljóst að hann væri ekki í standi til þess.

"Það gætu liðið nokkrar vikur áður en hann jafnar sig á slíkum ökklameiðslum," sagði sjúkrþjálfari Brann, Endre Digranes. "Hann gæti verið frá í meira en mánuð," bætti Digranes við.

Ísland leikur vináttulandsleik gegn Spáni á Laugardalsvelli þann 15. ágúst næstkomandi og því allar líkur að Kristján Örn geti ekki gefið kost á sér í leikinn.