Stórt skref úr bankanum í atvinnumennskuna en sé ekki eftir neinu 4. ágúst 2006 15:15 á æfingu Alfreð Gíslason talar hér til sinna manna með fótbolta undir fæti á æfingu liðsins í síðustu viku. Sverre Jakobsson er lengst til vinstri og hlustar á góð ráð þjálfarans. Sverre, sem áður gekk undir nafninu Sverrir Björnsson, fór út til Þýskalands 14. júlí og æfingar hófust svo þann 17. undir dyggri handleiðslu Alfreðs Gíslasonar sem tók við liðinu nú í sumar. "Þetta er búið að vera ótrúlega gaman. Þetta eru mikil viðbrigði frá því heima þrátt fyrir að í grunninn sé þetta það sama, nema þá að æfingarnar eru fleiri og erfiðari. Við æfum tvisvar á dag auk þess sem aðrar æfingar eru inn á milli, hlaup og lyftingar. Ég er að venjast því að horfa á þetta sem vinnuna mína en ekki áhugamál, þetta er stórt skref úr bankanum heima og út í atvinnumennskuna en ég sé ekki eftir neinu og mun ekki gera það," sagði Sverre sem líður vel í Gummersbach en hann vann áður hjá Glitni. "Þetta er mjög góður bær og minnir aðeins á Akureyri, þrátt fyrir að vera mun stærri er svipuð stemmning hér. Þá er stutt til Köln þar sem er mikil menning," sagði hinn stóri og stæðilegi jaxl sem er byrjaður að kynnast sínum nýju liðsfélögum. "Liðið virkar mjög vel á mig, allir strákarnir eru fínir en það eru margir nýjir leikmenn hér, átta eða níu og það eru allir að koma sér inn í hlutina og kynnast utan vallar. Það hefur gengið vel og þetta auðveldar mér að aðlagast líka. Það tekur kannski meiri tíma fyrir okkur að slípa liðið saman innan vallar en það kemur væntanlega." Sverre er ánægður með að maðurinn sem valdi hann í landsliðið fyrir viðureignina gegn Svía, sé nú tekinn við Gummersbach. "Það er mjög jákvætt fyrir mig, ég held að það sé betra fyrir mig að hann hafi tekið við þessu strax. Hann nýtur mikillar virðingar hérna og ég finn fyrir mikilli ánægju með Alfreð, þrátt fyrir að hann sé erfiður og með öll þessi hlaup," sagði Sverre og hló dátt. Þýskan var kannski aldrei sterkasta hlið Sverre sem segir að hún muni þó koma á endanum. "Ég er að skoða gömlu menntafræðiglósurnar og get aðeins kraflað mig áfram. Ég hef reyndar ekki mikinn tíma og ég nenni því varla seint á kvöldin þegar maður kemur þreyttur upp á hótel. Ég stefni á að gera þetta af krafti þegar tímabilið er að hefjast og þegar ég hef komið mér betur fyrir og kíki þá kannski á námskeið." Tveir íslendingar leika með Gummersbach, Guðjón Valur Sigurðsson og Róbert Gunnarsson og segir Sverre að það hjálpi mikið til að hafa þá kumpána úti. "Þeir hjálpa mér með allt hérna. Við erum mikið saman og ég fann það strax hvað það hjálpar til að hafa tvo íslendinga og þrjá með Alfreð," sagði Sverre sem bíður spenntur eftir fyrsta leiknum á tímabilinu sem verður þann 26. ágúst. "Mig er óneitanlega farið að hlakka til tímabilsins. Við spiluðum á æfingamóti um síðustu helgi og þar fékk maður smjörþefinn af þýska boltanum, það var stórkostleg upplifun. Við spiluðum til úrslita gegn Grosswaldstadt og mig fór að kitla aðeins, sérstaklega var gaman að mæta Einari Hólmgeirssyni sem reyndar tryggði þeim sigurinn undir lokin, bölvaður," sagði Sverre. "Alfreð var mjög sáttur með minn leik og ég er því fullur sjálfstraust en ég tek þessu með jafnaðargeði. Andstæðingarnir eru handboltamenn eins og ég, eini munurinn er kannski sá að ég er varnarmaður en ekki handboltamaður." Sverre stóð vaktina aðallega í vörninni hjá Fram og undirbýr sig undir svipað hlutverk hjá Gummersbach. "Við Alfreð höfum ekki beint talað um mitt hlutverk en ég skynja að það verði svipað og hjá Fram," sagði Sverre. Gummersbach er í riðli með Fram í Meistaradeild Evrópu en það er kaldhæðni örlaganna fyrir Sverre að mæta sínu gamla liði. "Ég fór að skellihlæja, ég hafði alveg séð þetta fyrir. Áður en ég fór út talaði ég við forráðamenn Fram þar sem við fórum yfir okkar mál þar sem við náðum að grafa allt sem á undan hafði gengið sem var frábært. Við höfðum talað mikið um þetta og manni fannst alltaf eins og þetta ætti að gerast. Ég er líka mjög feginn að komast heim, ég er með bók í láni hjá Guðmundi Guðmundssyni sem ég þarf endilega að skila honum, það linar samviskuna," sagði Sverre Jakobsson, leikmaður Gummersbach, að lokum. Íþróttir Mest lesið Jackson neyddur aftur til Chelsea þvert gegn vilja sínum Fótbolti Hjörvar tók Nablann í fangið meðan stressið náði hámarki Fótbolti Myndasyrpa: Stúkan blá í svekkjandi tapi Körfubolti Skýrsla Vals: Illt í sálinni Körfubolti EM í dag: Fimm mínútna martröð Körfubolti Uppgjörið: Þór/KA - Fram 1-2 | Dramatískur sigur Fram Íslenski boltinn Loyd kreisti fram sigur fyrir Pólland Körfubolti Dagskráin í dag: Þéttur pakki Sport „Þessi sigur nærir meira en margir aðrir“ Sport Real Madrid áfram á sigurbraut Fótbolti Fleiri fréttir Dagskráin í dag: Þéttur pakki Jackson neyddur aftur til Chelsea þvert gegn vilja sínum Hjörvar tók Nablann í fangið meðan stressið náði hámarki Myndasyrpa: Stúkan blá í svekkjandi tapi Uppgjörið: Þór/KA - Fram 1-2 | Dramatískur sigur Fram Loyd kreisti fram sigur fyrir Pólland „Þessi sigur nærir meira en margir aðrir“ EM í dag: Fimm mínútna martröð Real Madrid áfram á sigurbraut Valur meistari meistaranna Doncic og félagar í brasi Aron Einar meiddur en Brynjólfur hleypur í skarðið Hákon skoraði í stórsigri Stjörnumenn gerðu vel úti í Rúmeníu Skýrsla Vals: Illt í sálinni Íslensku stelpurnar með tíu mörk saman í flottum sigri Uppgjörið: Twente - Breiðablik 2-0 | Blikar á leið í Evrópubikarinn Grindvíkingar í bullandi fallhættu eftir tap á Húsavík Markalaust ómarkvert jafntefli á Elland Road Uppgjörið: FHL-Stjarnan 0-3 | Stjörnukonur sóttu þrjú stig austur Bournemouth stöðvaði sigurgöngu Tottenham og Grealish áfram í stuði „Hentar okkur illa að minnka hraðann og verja forskot“ „Langar helst að setjast hér niður og gráta“ „Fannst við eiga meira skilið“ Ísak skoraði en var á bekknum þegar liðið missti frá sér sigurinn Einkunnir strákanna á móti Belgíu: Tryggvi frábær en okkur vantaði alvöru töffara í lokin „Nokkur krúsjal atriði sem féllu ekki með okkur“ Uppgjörið: Ísland - Belgía 64-71 | Ofboðslega svekkjandi tap hjá íslenska liðinu Vítaspyrna í uppbótartíma bjargaði United fyrir horn Chelsea á toppnum eftir tvo umdeilda dóma Sjá meira
Sverre, sem áður gekk undir nafninu Sverrir Björnsson, fór út til Þýskalands 14. júlí og æfingar hófust svo þann 17. undir dyggri handleiðslu Alfreðs Gíslasonar sem tók við liðinu nú í sumar. "Þetta er búið að vera ótrúlega gaman. Þetta eru mikil viðbrigði frá því heima þrátt fyrir að í grunninn sé þetta það sama, nema þá að æfingarnar eru fleiri og erfiðari. Við æfum tvisvar á dag auk þess sem aðrar æfingar eru inn á milli, hlaup og lyftingar. Ég er að venjast því að horfa á þetta sem vinnuna mína en ekki áhugamál, þetta er stórt skref úr bankanum heima og út í atvinnumennskuna en ég sé ekki eftir neinu og mun ekki gera það," sagði Sverre sem líður vel í Gummersbach en hann vann áður hjá Glitni. "Þetta er mjög góður bær og minnir aðeins á Akureyri, þrátt fyrir að vera mun stærri er svipuð stemmning hér. Þá er stutt til Köln þar sem er mikil menning," sagði hinn stóri og stæðilegi jaxl sem er byrjaður að kynnast sínum nýju liðsfélögum. "Liðið virkar mjög vel á mig, allir strákarnir eru fínir en það eru margir nýjir leikmenn hér, átta eða níu og það eru allir að koma sér inn í hlutina og kynnast utan vallar. Það hefur gengið vel og þetta auðveldar mér að aðlagast líka. Það tekur kannski meiri tíma fyrir okkur að slípa liðið saman innan vallar en það kemur væntanlega." Sverre er ánægður með að maðurinn sem valdi hann í landsliðið fyrir viðureignina gegn Svía, sé nú tekinn við Gummersbach. "Það er mjög jákvætt fyrir mig, ég held að það sé betra fyrir mig að hann hafi tekið við þessu strax. Hann nýtur mikillar virðingar hérna og ég finn fyrir mikilli ánægju með Alfreð, þrátt fyrir að hann sé erfiður og með öll þessi hlaup," sagði Sverre og hló dátt. Þýskan var kannski aldrei sterkasta hlið Sverre sem segir að hún muni þó koma á endanum. "Ég er að skoða gömlu menntafræðiglósurnar og get aðeins kraflað mig áfram. Ég hef reyndar ekki mikinn tíma og ég nenni því varla seint á kvöldin þegar maður kemur þreyttur upp á hótel. Ég stefni á að gera þetta af krafti þegar tímabilið er að hefjast og þegar ég hef komið mér betur fyrir og kíki þá kannski á námskeið." Tveir íslendingar leika með Gummersbach, Guðjón Valur Sigurðsson og Róbert Gunnarsson og segir Sverre að það hjálpi mikið til að hafa þá kumpána úti. "Þeir hjálpa mér með allt hérna. Við erum mikið saman og ég fann það strax hvað það hjálpar til að hafa tvo íslendinga og þrjá með Alfreð," sagði Sverre sem bíður spenntur eftir fyrsta leiknum á tímabilinu sem verður þann 26. ágúst. "Mig er óneitanlega farið að hlakka til tímabilsins. Við spiluðum á æfingamóti um síðustu helgi og þar fékk maður smjörþefinn af þýska boltanum, það var stórkostleg upplifun. Við spiluðum til úrslita gegn Grosswaldstadt og mig fór að kitla aðeins, sérstaklega var gaman að mæta Einari Hólmgeirssyni sem reyndar tryggði þeim sigurinn undir lokin, bölvaður," sagði Sverre. "Alfreð var mjög sáttur með minn leik og ég er því fullur sjálfstraust en ég tek þessu með jafnaðargeði. Andstæðingarnir eru handboltamenn eins og ég, eini munurinn er kannski sá að ég er varnarmaður en ekki handboltamaður." Sverre stóð vaktina aðallega í vörninni hjá Fram og undirbýr sig undir svipað hlutverk hjá Gummersbach. "Við Alfreð höfum ekki beint talað um mitt hlutverk en ég skynja að það verði svipað og hjá Fram," sagði Sverre. Gummersbach er í riðli með Fram í Meistaradeild Evrópu en það er kaldhæðni örlaganna fyrir Sverre að mæta sínu gamla liði. "Ég fór að skellihlæja, ég hafði alveg séð þetta fyrir. Áður en ég fór út talaði ég við forráðamenn Fram þar sem við fórum yfir okkar mál þar sem við náðum að grafa allt sem á undan hafði gengið sem var frábært. Við höfðum talað mikið um þetta og manni fannst alltaf eins og þetta ætti að gerast. Ég er líka mjög feginn að komast heim, ég er með bók í láni hjá Guðmundi Guðmundssyni sem ég þarf endilega að skila honum, það linar samviskuna," sagði Sverre Jakobsson, leikmaður Gummersbach, að lokum.
Íþróttir Mest lesið Jackson neyddur aftur til Chelsea þvert gegn vilja sínum Fótbolti Hjörvar tók Nablann í fangið meðan stressið náði hámarki Fótbolti Myndasyrpa: Stúkan blá í svekkjandi tapi Körfubolti Skýrsla Vals: Illt í sálinni Körfubolti EM í dag: Fimm mínútna martröð Körfubolti Uppgjörið: Þór/KA - Fram 1-2 | Dramatískur sigur Fram Íslenski boltinn Loyd kreisti fram sigur fyrir Pólland Körfubolti Dagskráin í dag: Þéttur pakki Sport „Þessi sigur nærir meira en margir aðrir“ Sport Real Madrid áfram á sigurbraut Fótbolti Fleiri fréttir Dagskráin í dag: Þéttur pakki Jackson neyddur aftur til Chelsea þvert gegn vilja sínum Hjörvar tók Nablann í fangið meðan stressið náði hámarki Myndasyrpa: Stúkan blá í svekkjandi tapi Uppgjörið: Þór/KA - Fram 1-2 | Dramatískur sigur Fram Loyd kreisti fram sigur fyrir Pólland „Þessi sigur nærir meira en margir aðrir“ EM í dag: Fimm mínútna martröð Real Madrid áfram á sigurbraut Valur meistari meistaranna Doncic og félagar í brasi Aron Einar meiddur en Brynjólfur hleypur í skarðið Hákon skoraði í stórsigri Stjörnumenn gerðu vel úti í Rúmeníu Skýrsla Vals: Illt í sálinni Íslensku stelpurnar með tíu mörk saman í flottum sigri Uppgjörið: Twente - Breiðablik 2-0 | Blikar á leið í Evrópubikarinn Grindvíkingar í bullandi fallhættu eftir tap á Húsavík Markalaust ómarkvert jafntefli á Elland Road Uppgjörið: FHL-Stjarnan 0-3 | Stjörnukonur sóttu þrjú stig austur Bournemouth stöðvaði sigurgöngu Tottenham og Grealish áfram í stuði „Hentar okkur illa að minnka hraðann og verja forskot“ „Langar helst að setjast hér niður og gráta“ „Fannst við eiga meira skilið“ Ísak skoraði en var á bekknum þegar liðið missti frá sér sigurinn Einkunnir strákanna á móti Belgíu: Tryggvi frábær en okkur vantaði alvöru töffara í lokin „Nokkur krúsjal atriði sem féllu ekki með okkur“ Uppgjörið: Ísland - Belgía 64-71 | Ofboðslega svekkjandi tap hjá íslenska liðinu Vítaspyrna í uppbótartíma bjargaði United fyrir horn Chelsea á toppnum eftir tvo umdeilda dóma Sjá meira