Nær öllum mjólkuriðnaði miðstýrt

Nær öllum mjólkuriðnaði í landinu verður miðstýrt af einni stjórn ef hugmyndir um að Mjólkursamsalan í Reykjavík, Norðurmjólk á Akureyri og Mjólkursamlag Kaupfélags Skagfirðinga stofni með sér rekstrarfélag ná fram að ganga.

Hugmyndin verður kynnt starfsmönnum fyrirtækjanna í vikunni. Ekki þarf að bera sameininguna undir Samkeppniseftirlitið, ef til hennar kemur, því mjólkuriðnaðurinn er undanþeginn samkeppnislögum. Eftirlitið beindi því eindregið til landbúnaðarráðherra í síðustu viku að því yrði breytt en ráðherra ætlar ekki að gera það.