Exista í Viðskiptablaðið?

Eins og komið hefur fram á bloggsíðum verður Viðskiptablaðið brátt dagblað sem kemur út fjórum til fimm sinnum í viku. Leitað hefur verið til ýmissa fjárfesta, þar á meðal Baugs og Björgólfsfeðga, um að koma að verkefninu. Þær raddir heyrast nú að Exista, Kaupþing og Síminn ætli að koma að verkefninu með tvö hundruð milljón króna framlagi. Þetta myndu vera nokkur tíðindi, enda hafa stjórnendur Exista lýst því yfir að Síminn muni einbeita sér að dreifingu efnis fremur en beinum fjölmiðlarekstri.

Tveir þekktir blaðamenn, þeir Guðmundur Magnússon og Pétur Gunnarsson, munu vinna að þessu og öðrum sérverkefnum fyrir hönd Framtíðarsýnar, útgáfufélags Viðskiptablaðsins.