Stígagerð við Gullfoss styrkt

ÁTVR hefur veitt Umhverfisstofnun fimm milljóna króna styrk úr Pokasjóði til framkvæmda við gerð göngustíga og útsýnispalla við Gullfoss.

Jónína Bjartmarz umhverfisráðherra tók við framlaginu fyrir viku í umhverfisráðuneytinu.

Þetta er í þriðja sinn sem ÁTVR hefur milligöngu um styrkveitingu til framkvæmda við Gullfoss, en það gerði fyrirtækið einnig á árunum 1992-1994 og árið 2004. Með þessu nýjasta framlagi verður lokið við gerð plankastéttar sem mun þá ná frá gestastofunni að útsýnis­pallinum.