Níu ára fangelsi fyrir manndráp

Magnús Einarsson var dæmdur í 9 ára fangelsi í dag fyrir að bana 25 ára gamalli eiginkonu sinni og barnsmóður, Sæunni Pálsdóttur. Dómurinn var kveðinn upp í Héraðsdómi Reykjaness.Atburðurinn átti sér stað á heimili hjónanna í Kópavogi í nóvember á síðasta ári. Magnús brá þvottasnúru um háls konu sinnar og þrengdi að með þeim afleiðingum að hún lést af völdum kyrkingar. Þegar lögregla kom á staðinn beið Magnús á stigapallinum og sagðist hafa myrt eiginkonu sína. Börnin þeirra tvö, fjögurra ára gömul stúlka og ársgamall drengur, voru þá sofandi inni í íbúðinni.Fyrir dómi hélt Magnús því fram að þegar hann framdi verknaðinn hafi hann verið að fylgja óskum Sæunnar, sem hefði sagst vilja deyja. Dómnum þótti sú frásögn ótrúverðug. Ákomur á líki Sæunnar, ummerki í íbúðinni og framburður nágrannakonu sem heyrði óp skömmu fyrir dauða hennar, benda til þess að harkaleg átök hafi átt sér stað. Þrátt fyrir að Magnús héldi því fram að hann hefði ekki valdið dauða Sæunnar í æðis- eða afbrýðiskasti, heldur hafi verið um að ræða hræðsluviðbrögð, dregur dómurinn þá ályktun að  hann ljóst sé að Magnús hafi unnið verknaðinn í mikilli geðshræringu, reiði og geðæsingu og er það metið til refsilækkunar. Sú ályktun er dregin af frásögnum af hjónabandserfiðleikum þeirra. Þó er tekið fram að Magnúsi hljóti að hafa verið ljóst að miðað við hve miklu afli hann beitti er hann herti bandið að hálsi Sæunnar, að yfirgnæfandi líkur væru til þes að hún hlytu bana af. Þá er rétt að taka fram að niðurstaða geðlæknis fyrir dómi var sú að Magnús sé sakhæfur og ábyrgur gerða sinna. Auk níu ára fangelsisvistar er Magnúsi einnig gert að greiða börnum sínum og Sæunnar rúmar ellefu milljónir króna í bætur.