Arsenal að valta yfir Portsmouth

Arsenal er heldur betur í stuði gegn Portsmouth nú þegar flautað hefur verið til leikhlés í flestum leikjanna sem standa yfir í ensku úrvalsdeildinni í kvöld. Arsenal er yfir 4-0 gegn Portsmouth, þar sem Thierry Henry hefur skorað tvö mörk, annað þeirra úr víti, en þeir Bergkamp og Calderon hafa skorað eitt mark hvor.

Manchester United byrjaði vel á útivelli gegn Birmingham og Van Nistelrooy kom liðinu yfir snemma leiks, en Clapham jafnaði skömmu síðar fyrir Birmingham með laglegu marki.

West Brom hefur yfir gegn Tottenham 1-0 á heimavelli sínum, Kanu skoraði mark liðsins. Jafnt er hjá Manchester City og Chelsea 0-0, Wigan hefur yfir 2-0 á útivelli gegn West Ham, Fulham er yfir 2-1 gegn Aston Villa þar sem Heiðar Helguson skoraði síðara mark Fulham úr víti og þá hefur Liverpool 2-0 forystu gegn grönnum sínum í Everton á Goodison Park, þar sem Steven Gerrard og Peter Crouch hafa skorað fyrir Liverpool.