Blómlegir bílar í Hjartslætti

"Það kom upp hugmynd um að lífga upp á farkostina með þessum hætti," segir Baldvin Kári Sveinbjörnsson, einn af þáttastjórnendum Hjarsláttar á Skjá einum. Frumlegar merkingar bíla Hjartsláttargengisins hafa hafa vakið athygli í umferðinni upp á síðkastið. "Fíton hannaði útlitið en þemað er svona í láði, lofti og legi," segir Baldvin og vísar þá til bílanna sem eru allir merktir sinn á hvern hátt. "Minn bíll er skreyttur blómum, bíll Dagbjartar með páfagaukum og verið er að vinna í að bíllinn hans Erlings líti út eins og fiskabúr. Fiskabíllinn verður tilbúinn í vikunni og vonandi fær fólk að líta hann augum í þættinum 1. júlí." Í Hjartslætti á fimmtudaginn kemur verður fjallað um bílamerkingarnar. "Það er hægt að líma hvernig mynd sem er á bílinn, hvort sem það er mynd af fjölskyldunni eða átthaganum. Þú mætir bara með myndina og hún er stækkuð upp, prentuð út og límd á bílinn. Frank og Jói auglýsinga- og skiltagerð hefur séð um vinnuna fyrir okkur en allir sem hafa reynt að plasta bók vita hvað það getur verið erfitt föndur og því er kraftaverk að þeim takist að líma þetta á blöðurlaga mikrurnrar." Baldvin segir Hjartsláttarbílana vekja mikla kátínu í umferðinni. "Fólk starir á þá og hlær að þeim en leikurinn er að sjálfsögðu gerður til þess að gera lífið aðeins skemmtilegra og vonandi komum við bara af stað sumartrendi hér á heima á líflega myndskreyttum bílum."