27 á Íslandi

Hljómsveitin 27 heldur þrenna tónleika hér á landi í júní. Hljómsveitin 27 er fjögurra manna rokksveit frá Boston í Bandaríkjunum. Hljómsveitin spilar dreymið og dularfullt rokk sem er nokkurskonar blanda á milli Portishead og Neil Young. Fyrsta breiðskífa sveitarinnar "Songs from the edge of the Wing" var gefin út af Relapse útgáfunni, en seinni breiðskífa sveitarinnnar "Animal Life" var gefin út af kimchee records. Fyrir skömmu sendi sveitin frá sér smáplötuna "Let the Light inn" og er hún gefin út af Hydrahead útgáfunni. Hljómsveitin kemur hingað til lands eftir tónleikaferðalag sitt um Japan og England í maí/júní mánuði og mun sveitin spila á þrennum tónleikum dagana 15 - 17. júní.