Deila tefur fyrir endurnýjun sjúkrabíla
Engin lausn virðist vera í sjónmáli í deilu Rauða krossins á Íslandi og Heilbrigðisráðuneytisins um yfirtöku ríkisins á rekstri sjúkrabíla í landinu. Tæpur milljarður er í sjúkrabílasjóði sem Rauði krossinn hefur umsjón með en ráðuneytið hefur engan aðgang að. Sjúkrabílaflotinn hefur elst mjög hratt og ástand hans í mörgum tilfellum orðið lélegt.
