Börsungar léku sér að Aston Villa

Barcelona átti ekki í vandræðum með enska úrvalsdeildarfélagið Aston Villa þegar liðin mættust á Nývangi í Meistaradeild Evrópu í kvöld. Lokatölur urðu 3-0 Barcelona í vil.

Það varð fljótt ljóst í hvað stefndi í leik kvöldsins. Lamine Yamal kom Barcelona yfir strax á 7. mínútu leiksins. 

Reyndist það eina mark fyrri hálfleiksins en á fyrri helmingi seinni hálfleiks sá tvenna frá Raphinha til þess að Börsungar fóru að lokum með 3-0 sigur af hólmi. 

Með því tyllir liðið sér í 2. sæti deildarinnar og er þar með níu stig, líkt og Aston Villa sem vermir þriðja sætið.