Einar og Sanna mæta á Sprengi­sand og ræða upp­sagnir

Páll ræðir við þau um umdeildar hagræðingaraðgerðir og uppsagnir hjá Reykjavíkurborg en stöðugildum hjá Reykjavíkurborg var fækkað um 74 í vikunni.

Samtök sunnlenskra sveitarfélaga samþykktu harðorða ályktun nú í vikunni – þar sem segir að Suðurland sé ekki hraðbanki ríkissjóðs; um helming af nýjum skatttekjum ríkisins eigi að sækja í Suðurkjördæmi þrátt fyrir að þar búi aðeins rúmlega níu prósent landsmanna.

Anton Kári Halldórsson, formaður samtakanna, og Ása Berglind Hjálmarsdóttir, þingmaður Samfylkingarinnar í Suðurkjördæmi, takast á um þetta á Sprengisandi.

Íbúar í Dalabyggð hafa miklar áhyggjur af löggæslumálum í sinni sveit – og telja að stefnt geti í enn verra ástand með þeirri sameiningu lögreglustjóraembætta sem stendur fyrir dyrum. Lilja Björg Ágústsdóttir, sveitarstjóri, og Skjöldur Orri Skjaldarson, lögreglumaður, gera grein fyrir þessu.

Í lok þáttar fær Páll þær svo Kristín Gunnarsdóttir og Ólöf Skaftadóttir í heimsókn en þær halda úti hlaðvarpinu Komið gott! Þær eru þekktar fyrir að láta vaða á súðum um alla skapaða hluti – og það ætla þau þrjú einmitt að gera um stöðu stjórnmálaflokka og stjórnmálaforingja á eftir.