Kristján hafði betur gegn Fjallinu og er sterkasti maður Ís­lands

Lokakeppni mótsins fór fram í miðbæ Selfoss og fylgdust margir með.

„Ég bjóst ekki við þessu. Ég bara stefndi að því að gera mitt besta í hverri grein og einhvern veginn endaði ég hér,“ sagði Kristján í viðtali eftir að sigurinn var í höfn.

Kristján hefur verið fjarverandi vegna meiðsla yfir lengri tíma en kom til baka og tók þátt í umræddri keppni og vann hana.

Hann hlaut verðskuldað lof frá Hafþóri Júlíusi sem kom ekki með afsakanir fyrir ósigri sínum. 

„Ég er í góðu formi, leið vel komandi inn í þessa keppni. Ég gerði mitt besta og hann vann mig,“ sagði Hafþór Júlíus í viðtali eftir keppni.