Öku­maður For­múlu 1 vann sér keppnis­rétt á heims­meistara­móti á miðju tíma­bili

Það tekur mikla orku að vera ökumaður í Formúlu 1 og með langt tímabil er mánaðar sumarfrí sem ökumenn og starfsfólk liða nýta vel. Það er þó mismunandi hvað ökumenn nýta tímann í á meðan fríið stendur yfir og hefur Valtteri Bottas, ökumaður Cadillac, ákveðið að keppa í hjólreiðum.

Hann tók þátt í hjólreiðum á möl í Tékklandi og tók þátt í flokki 35-39. Þar endaði hann keppnina í fimmta sæti og með þeim árangri tryggði hann sér þátttökurétt á heimsmeistaramótinu í möl hjólreiðum.

Hann var ekki einn að taka þátt í keppninni en konan hans, Tiffany Cromwell, er ástralskur hjólreiðakappi sem tók einnig þátt í mótinu. Cromwell hefur smitað Bottas af ástríðu fyrir hjólreiðum og hefur hann verið duglegur að nýta fríin sín í að hjóla. Cromwell hefur náð fínum árangri innan hjólreiða og keppti á Ólympíuleikunum í Tókýó árið 2020.