Lög­regla og björgunar­sveitir leita að mann­eskju á Akur­eyri

Umfangsmikil leit lögreglunnar og björgunarsveita stendur nú yfir á Akureyri. Þetta staðfestir lögreglan á Norðurlandi eystra í samtali við Vísi.  

Lögreglu hafi borist tilkynning um týndan einstakling fyrr í dag og leit hafi þegar staðið yfir í nokkrar klukkustundir.  Leitin beinist aðallega að svæði sunnan Glerár en leitað sé á allri Akureyri. Lögregla gat ekki tjáð sig um það að svo stöddu hvort einstaklingurinn sem leitað er að sé á fullorðinsaldri.

Ekki sé talið að eitthvað saknæmt hafi átt sér stað.