Viðskipti innlent

Drangar kaupa Brauð & Co

Áróra L Davíðsdóttir skrifar
Sigurður Máni Helguson, framkvæmdastjóri, Viðar Brink, markaðsstjóri, og Jón Anton Bergsson, yfirbakari Brauð & Co.
Sigurður Máni Helguson, framkvæmdastjóri, Viðar Brink, markaðsstjóri, og Jón Anton Bergsson, yfirbakari Brauð & Co. Drangar

Drangar hafa gengið frá kaupum á Brauð & Co, einni þekktustu bakarískeðju landsins.

Þetta kemur fram í fréttatilkynningu frá Dröngum. Þar segir að samningur sé gerður með fyrirvara um samþykki Samkeppniseftirlitsins. Brauð & Co. reka átta bakarí á höfuðborgarsvæðinu.

Brauð & Co var stofnað af þeim Ágústi Einþórssyni, Birgi Þór Bieltvedt og Þóri Snæ Sigurjónssyni og var fyrsta útibú bakarísins opnað árið 2016 á Frakkastíg. Ágúst seldi meðstofnendum sínum hlut sinn í fyrirækinu árið 2019. 

Félagið hafi skilað hagnaði á rekstrarárinu 2025 og ársvelta félagsins sé rúmlega einn og hálfur milljarður króna. Kaupverðið verði greitt með hlutabréfum í Dröngum og reiðufé. Drangar eru eitt stærsta verslunar- og þjónustufyrirtæki landsins en í eigu þess er meðal annars verslanirnar Nettó, SPAR, Prís, Krambúðin, Kjörbúðin og 10-11.

Brauð & Co. á Frakkastíg, eitt vinsælasta bakarí miðborgarinnar, opnaði á vormánuðum ársins 2016. Drangar

„Frá stofnun hefur Brauð & Co. skapað sér sérstöðu á íslenskum markaði með súrdeigsbrauði, fersku bakkelsi og metnaðarfullri vöruþróun. Vörumerkið nýtur mikillar virðingar meðal neytenda og hefur orðið eitt sterkasta vörumerki landsins á sínu sviði,“ segir í tilkynningunni.

Veitingastaðir Reykjavík Bakarí Kaup og sala fyrirtækja

Tengdar fréttir

Brauð & co opnar á fleiri stöðum

Bakaríið Brauð & co sem starfrækt hefur verið á Frakkastíg frá því vorið 2016 hyggst á næstu vikum opna tvö ný bakarí, annars vegar í húsnæði Gló í Fákafeni og hins vegar í Mathöllinni á Hlemmi.

Brauð & Co opnar bílalúgu á Laugavegi

Brauð & Co hyggst opna nýja verslun í húsnæði Skeljungs við Laugaveg 180 í haust. Þar verður meðal annars boðið upp á afgreiðslu á brauði í gegnum bílalúgu, sem telst nýjung á Íslandi.



Mest lesið


Fleiri fréttir

Sjá meira


×

Mest lesið