Russell náði ráspólnum á um­deildan hátt

Russell náði ráspólnum af Charles Leclerc á Ferrari á síðasta hringnum.

Fjórfaldi heimsmeistarinn Max Verstappen hafði lent í árekstri í næstsíðustu beygjunni. Ferrari-ökumennirnir Leclerc og Lewis Hamilton voru búnir að fara framhjá því en Russell og samherji hans hjá Mercedes, Kimi Antonelli, áttu það eftir.

Russell vildi meina að hann hefði hægt nægilega mikið á sér þegar hann keyrði framhjá bíl Verstappens og taldi að aðeins eitt gult flagg hefði farið á loft en ekki tvö eins og venjan er í atvikum sem þessum.

Russell stakk sér fram fyrir Leclerc en aðeins 0,236 sekúndum munaði á þeim. Hamilton varð þriðji og Antonelli fjórði. Varstappen kom svo þar á eftir.

Bein útsending frá austurríska kappakstrinum hefst klukkan 12:30 á Sýn Sport Viaplay á morgun.