Andrea og Ragn­hildur enduðu jafnar

Andrea átti frábæran lokahring í dag og kom í hús á 69 höggum, sem reyndist þriðji besti hringur dagsins.

Andrea stökk upp fyrir tæplega þrjátíu aðra kylfinga og náði ellefta sætinu sem er hennar besti árangur á tímabilinu.

Ragnhildur lék hringi mótsins á 73, 69 og 73 höggum. Hún hefur byrjað tímabilið af krafti og náð í gegnum niðurskurð í öllum þremur mótunum.

Fyrir mótið var Ragnhildur fjórða á stigalista mótaraðarinnar og heldur hún því sæti sínu sem einn af efstu kylfingum listans.

Hulda Clara Gestsdóttir keppti einnig á mótinu í Frakklandi um helgina. Hún endaði jöfn í 58. sæti og náði ekki í gegnum niðurskurð.