Nýtt á Íslandi: auglýsingalausn sem sameinar sjónvarp og samfélagsmiðla

Sýn 21. maí 2026 08:51

Sigmar Vilhjálmsson sölustjóri sjónvarps, Ragnhildur Guðmundsdóttir forstöðumaður auglýsingasviðs Sýnar, Davíð Baldursson vörustjóri og Stefán Örn Einarsson sölustjóri Vísis og útvarps, fóru yfir vel heppnaðan vetur á Sýn Sport og Sýn +. Auk þess kynntu þau nýjung í auglýsingum. Hulda Margrét

Sýn kynnti nýja auglýsingalausn undir heitinu Auglýsinga RÍL á fjölmennum viðburði á dögunum þar sem farið var yfir vel heppnaðan vetur hjá Sýn Sport og Sýn+. Auglýsinga Ríl sameinar hraða og sköpunarkraft samfélagsmiðla við áhrifamátt sjónvarpsins.

Lausnin er sú fyrsta sinnar tegundar á Íslandi og er þróuð fyrir fyrirtæki sem vilja nýta efni sem þau framleiða nú þegar fyrir samfélagsmiðla en í umhverfi þar sem áhorfið er þegar til staðar, mælt af þriðja aðila og athyglin er meiri.

Auglýsinga RÍL byggir á einfaldri hugmynd, að færa reel- og story-efni frá samfélagsmiðlum yfir á einn áhrifamesta miðil landsins, sjónvarpið. Þar fær efnið nýtt samhengi með skýrum skilaboðum, kalli til aðgerða og QR kóða sem leiðir áhorfendur beint í næsta skref.

Þannig verður til ný tegund auglýsinga sem sameinar vörumerkjauppbyggingu og mælanleg viðbrögð í einni birtingu.

Ragnhildur Guðmundsdóttir. „Þú þarft ekki að velja á milli samfélagsmiðla og sjónvarps. Gerðu bæði.“Hulda Margrét

Fyrirtæki leggja í dag mikla vinnu í að framleiða stutt og áhrifarík myndbönd fyrir samfélagsmiðla.

Á samfélagsmiðlum ertu að vona að fólk horfi og hlusti, en í sjónvarpi er fólk að horfa og hlusta. Með Auglýsinga RÍL fær efnið nýtt líf á vönduðum miðli þar sem auglýsendur fá tryggt áhorf og skýra leið til að kalla fram viðbrögð.

Breytt hegðun kallar á nýjar lausnir

Klippa: Sýn kynnir nýja lausn í auglýsingum

Lausnin er þróuð fyrir breytta neysluhegðun þar sem fólk er vant hröðu, sjónrænu og skýru efni. Uppsetningin byggir á þremur lykilþáttum: sterkum skilaboðum eða vörumerki, reel- eða story-efni frá auglýsanda og aðgerðarsvæði með upplýsingum, tilboðum og QR kóða.

Markaðsfólk fjölmennti á viðburðinnHulda Margrét

Verðmætin aftur inn á íslenskan markað

Á síðustu árum hefur sífellt stærri hluti íslensks auglýsingafjár flust úr landi til alþjóðlegra samfélagsmiðla og tæknirisa. Með Auglýsinga RÍL vill Sýn skapa leið til að færa hluta þessarar athygli og verðmætasköpunar aftur inn á íslenskan markað.

„Þú þarft ekki að velja á milli samfélagsmiðla og sjónvarps. Gerðu bæði.“

Auglýsinga RÍL er jafnframt hagkvæm leið fyrir fyrirtæki til að komast í sjónvarp án umfangsmikillar framleiðslu eða stórra herferða. Fyrirtæki geta nýtt efni sem þegar er til staðar og umbreytt því á einfaldan hátt í sjónvarpsherferð.