Bónda­konan á Bakka­koti er látin

Morgunblaðið greinir frá en tilkynning vegna andláts Þóru birtist í Morgunblaðinu í dag. Hún lést 18. apríl síðastliðinn. Hún var húsráðandi á Bakkakoti ásamt Jóni Ársælssyni sem lést árið 2003.

Fimm menn stigu fram í þættinum Kveik í febrúar og lýst grófu ofbeldi sem þeir urðu fyrir þegar þeir dvöldu á Bakkakoti á Rangárvöllum. Síðan þá hafa tugir til viðbótar stigið fram. Fjöldi barna var sendur þangað í vistun á að minnsta kosti 27 ára tímabili frá 1975 til 2002.

Samkvæmt frásögnum fólks sem þar dvaldi sem börn var það fyrst og fremst Þóra Elísabet sem beitti þá ofbeldi, ýmist líkamlegu, andlegu eða kynferðislegu.

Í kjölfar umfjöllunarinnar var stofnað til frumkvæðisathugunar á eftirliti með börnum í fóstri að beiðni félags- og húsnæðismálaráðuneytisins.