Loka verslun Next í Kringlunni

Í tilkynningu á Facebook kemur fram að 50 prósenta afsláttur sé af öllum vörum og að ekki verði hægt að skila þeim. Verslunin er við hlið H&M í Kringlunni. 

Verslunin hefur verið rekin á Íslandi um árabil og er í dag í eigu Jóns Eggerts Pálssonar. Hann keypti verslunina með Haraldi Bergssyni árið 2017 en keypti svo Harald út árið 2020. Sverrir Berg Steinarsson og Ragnhildur Anna Jónsdóttir tofnuðu til rekstursins árið 2003 en seldu reksturinn 2010.

Ekki hefur tekist að ná á neinn í verslun vegna lokunarinnar en búið er að loka símanúmeri sem gefið er upp.

Fréttin hefur verið uppfærð með upplýsingum um nýjan eiganda. Verslunin hefur ekki verið í eigu Ragnhildar og Sverris frá 2010.