Lést í sprengingunni

Lögreglan á höfuðborgarsvæðinu greinir frá andláti mannsins í tilkynningu.

Sprengingin varð laust upp úr klukkan 07 í morgun og allt tiltækt lið slökkviliðs fór á vettvang ásamt fjölmennu liði lögreglu og fulltrúum Rauða krossins. Í yfirlýsingu Fóðurblöndunnar, sem barst síðdegis, sagði að talið væri að um ryksprengingu hefði verið að ræða.

„Verið var að vinna við einn tóma tankinn þegar varð, að því er virðist, ryksprenging í tankinum. Stórt gat kom efst á útvegg húsnæðisins nálægt þeim stað þar sem unnið var að viðgerðinni,“ sagði í yfirlýsingunni sem er undirrituð af Úlfi Blandon framkvæmdastjóra fyrirtækisins.