Mat­vöru­verð hækkar þvert á vöru­flokka

Uppsöfnuð hækkun á árinu nemur tæpum tveimur prósentum. Matvöruverð hefur því hækkað meira á fyrstu þrem mánuðum ársins en í byrjun síðasta árs.

Vöruflokkarnir sem hækkuðu hvað mest eru unnar kjöt- og mjólkurvörur en sælgæti og aðrar dýraafurðir hækka einnig. Svínakjöt, nýtt eða frosið, hækkaði mest og þar á eftir unnið, reykt og saltað kjöt. Appelsínur, epli og bananar lækkuðu í verði auk sykurs og sveppa.

Hækkaði mest í Extra

Það sem af er ári mælast mestar hækkanir í Fjarðarkaupum, eða þrjú prósent. Þá hefur hefur vöruverð lækkað um 2,4 prósent það sem af er ári.

„Gera verður þann fyrirvara að mælingar í Fjarðarkaupum fyrir marsmánuð liggja ekki fyrir við vinnslu þessarar fréttar og er því miðað við febrúartölur í þeirra tilfelli,“ segir í skýrslunni.

Ef litið er á verðhækkanir á milli febrúar og mars hækkaði verðið mest í verslunum Extra, alls um 7,6 prósent. Þar á eftir koma Krambúðin með 1,4 prósenta hækkun og Nettó með 1,3 prósenta hækkun. Verðið hækkaði minnst í verslunum Krónunnar og Prís, eða um 0,3 prósent.