Extra­leikarnir: Bannað að bíta og nýtt met í gryfju­hlaupi

Leikarnir eru hluti af Körfuboltakvöldi Extra á Sýn Sport Ísland á mánudagskvöldum. Keppnina má sjá í spilaranum hér að neðan.

Þó að þessu sinni hafi ekki verið um viðurkennda keppnisgrein að ræða þá var hún ákaflega krefjandi, að minnsta kosti fyrir suma, enda gryfjuhlaup notað sem þrekæfing fyrir fimleikafólk í frábæru formi. 

Ákveðnar reglur voru þó settar fyrir keppni og meðal annars bannað að bíta.

Það að ekki sé almennt keppt í gryfjuhlaupi gerir líka að verkum að sigurtíminn hlýtur að teljast sem Íslandsmet, eða jafnvel heimsmet, að minnsta kosti í ákveðnum þyngdarflokki.

Menn létu svo skotin dynja í sófanum eftir að keppni lauk og er spennan áfram mikil í stigakeppni leikanna. Nú vantar strákana bara nýjar hugmyndir að keppnisgreinum, eftir að hafa meðal annars leikið listir sínar í frjálsíþróttum, fótbolta, körfubolta, handbolta og fimleikum.