Dýr­lingarnir sparka tíma­bilinu af stað í París

Þjóðarleikvangur fransks fótbolta og rúgbí verður leigður undir amerískan fótbolta í fyrsta sinn en þetta tilkynnti NFL deildin í dag.

Ásamt því var skrifað undir samkomulag um að halda áfram leiki á Santiago Bernabéu leikvanginum, heimavelli Real Madrid á Spáni, næstu árin.

„Við erum mjög spennt fyrir því að vera fyrsta liðið til að spila í Frakklandi. Þetta er sérstök stund og ekki einungis vegna sterkra menningarlegra tengsla milli Louisana og Frakklands, heldur einnig vegna þess að við munum keppa fyrir framan sífjölgandi aðdáendahóp okkar í París“ sagði eigandi New Orleans Saints, Gayle Benson.

Frakkland er nýjasti áfangastaður NFL deildarinnar sem hefur haldið leiki í Lundúnum, höfuðborg Englands á hverju tímabili síðan 2007, fimm leiki í Þýskalandi og leik á Spáni, í Mexíkó og Brasilíu.

NFL leikur verður einnig haldinn í Ástralíu á næsta tímabili í fyrsta sinn en dagsetning og lið liggja ekki fyrir enn.