Bíl­stjórinn þrettán ára

Þetta staðfestir Unnar Már Ástþórsson, aðalvarðstjóri hjá lögreglunni á höfuðborgarsvæðinu, í samtali við Vísi.

Greint var frá því að þrír hafi verið fluttir á spítala eftir bílveltuna sem varð skömmu fyrir hádegi í gær. Sex börn voru í bílnum og aðeins fimm sæti.

Eftirförin hófst við Snorrabraut og var bílnum ekið Sæbrautina til austurs. Bíllinn valt loks í slaufunni á mótum Miklubrautar og Sæbrautar þar sem stefnan var sett á að komast upp í Ártúnsbrekku. Hafnaði bíllinn á hvolfi og utan í ljósastaur.

Unnar Már segir að af þeim þremur sem voru fluttir á sjúkrahús voru tveir fjórtán ára en sá þriðji eitthvað eldri.

Þeir voru ekki alvarlega slasaðir og útskrifaðir af sjúkrahúsi sama dag.

Uppfært: Í upphaflegri útgáfu fréttarinnar sagði að ökumaðurinn hafi verið fjórtán ára. Unnar Már segir í samtali við fréttastofu að hið rétta sé að hann er fæddur 2012, á fjórtánda ári og því þrettán ára.