Viðskipti innlent

Selja hlut sinn í Skógarböðunum

Atli Ísleifsson skrifar
Skógarböðin eru einstakt baðlón staðsett í útjaðri Akureyrarbæjar.
Skógarböðin eru einstakt baðlón staðsett í útjaðri Akureyrarbæjar. Axel Þórhallsson

Norðurorka hf., hefur tekið ákvörðun um að setja 4,54 prósenta eignarhlut sinn í Skógarböðum ehf. í opið söluferli. Áhugasömum fjárfestum hefur verið boðið að gera tilboð í hlutinn.

Þetta kemur fram í tilkynningu frá Norðurorku. Þar segir að Skógarböðin séu einstakt baðlón staðsett í útjaðri Akureyrarbæjar. 

Skógarböðin opnuðu í maí 2022 og hafa á stuttum tíma fest sig í sessi sem einn vinsælasti áfangastaður innlendra og erlendra ferðamanna á Norðurlandi. Félagið hefur vaxið hratt frá opnun en um 150 þúsund gestir sóttu baðlónið á síðasta ári og nam veltan rétt tæpum milljarði króna,“ segir í tilkynningunni.

Haft er eftir Eyþóri Björnssyni, forstjóra Norðurorku, að félagið hafi Norðurorka komið að uppbyggingu Skógarbaða á sínum tíma og haldi nú á 4,54 prósenta eignarhlut í félaginu. 

„Það hefur verið ánægjulegt að vera þátttakandi að uppbyggingu félagsins og fylgjast með vexti þess á undanförnum árum.

Starfsemi Norðurorku felst fyrst og fremst í rekstri veitna við Eyjafjörð og í Fnjóskadal. Fyrirhuguð er frekari uppbygging Skógarbaða, meðal annars með byggingu glæsilegs hótels, og hefur stjórn Norðurorku tekið ákvörðun um að selja eignarhlut sinn og einbeita sér enn frekar að kjarnastarfsemi félagsins,“ segir Eyþór.

Kaup og sala fyrirtækja Orkumál Sundlaugar og baðlón

Tengdar fréttir

Svona munu stækkuð Skógarböð og hótel líta út

Fimm hæða hótel við Skógarböðin, sem mun rísa innan tveggja ára fyrir norðan, á að verða það flottasta sinnar tegundar að sögn eiganda. Í ágúst geta baðgestir fengið að upplifa Skógarböðin eftir miklar framkvæmdir. Verið er stækka böðin um meira en helming og byggja maskabar, gufubað og nuddstofu.



Mest lesið


Fleiri fréttir

Sjá meira


×

Mest lesið