Pogba og Fati mættir til Móna­kó

Pogba er samningslaus og í leit að liði eftir að leikbanni hans vegna lyfjabrota lauk. Hann hefur mátt æfa fótbolta síðan í janúar á þessu ári og hafnað boðum frá liðum í Bandaríkjunum og Sádi-Arabíu, því hann vill vera áfram í evrópska boltanum.

Fati er að stíga upp úr meiðslum sem héldu honum frá keppni mestallt síðasta tímabil. Hann fékk lítið að spila undir stjórn Hansi Flick hjá Barcelona og er í leit að stærra hlutverki.

The Athletic og Fabrizio Romano greina frá því að báðir leikmenn séu nú mættir til Mónakó og muni gangast undir læknisskoðun í dag.

AS Monaco endaði í þriðja sæti frönsku úrvalsdeildarinnar á síðasta tímabili og tryggði sér þátttökurétt í Meistaradeildinni.