Fótbolti

Pogba fer til Móna­kó frekar en Banda­ríkjanna eða Sádi-Arabíu

Ágúst Orri Arnarson skrifar
Paul Pogba er laus úr leikbanninu sem honum var sætt í september 2023.
Paul Pogba er laus úr leikbanninu sem honum var sætt í september 2023. Giuseppe Maffia/NurPhoto via Getty Images

Paul Pogba er að ganga í raðir franska félagsins AS Monaco, eftir tæplega tveggja ára fjarveru frá fótboltavellinum vegna banns sem var sett þegar leikmaðurinn gerðist sekur um lyfjamisnotkun.„

SkySports greinir frá því að umboðsmenn Pogba séu að ganga frá smáatriðum, hann muni síðan fljúga frá Bandaríkjunum til Mónakó og skrifa undir tveggja ára samning.

Félög í MLS deildinni og sádiarabíska boltanum voru einnig áhugasöm, en Pogba er sagður telja sig eiga nóg eftir á hæsta getustigi, í evrópska boltanum.

Þá muni reglulegur spiltími í frönsku úrvalsdeildinni og Meistaradeildinni auka möguleika hans á að vera valinn í franska landsliðið fyrir HM á næsta ári.

Pogba hefur ekki spilað fótbolta síðan í september 2023, þegar hann fyrst dæmdur í bann fyrir lyfjamisnotkun. Í febrúar 2024 var hann svo dæmdur í fjögurra ára bann frá fótbolta en eftir áfrýjun var það stytt niður í átján mánuði, sem hafa nú runnið sitt skeið.

Franski boltinn

Mest lesið


Fleiri fréttir

Sjá meira


×

Mest lesið