Flugu frá Frakk­landi með tólf kíló af kókaíni

Lögreglan á Suðurnesjum vinnur nú að rannsókn málsins í samvinnu við tollgæsluna á Keflavíkurflugvelli. Það var þann 23. maí sem tollgæslan stöðvaði tveggja karlmanna sem voru nýlentir eftir flug frá Frakklandi. 

Hvor um sig reyndust vera með sex kíló af kókaíni í farangri sínum. Þeir hafa sætt gæsluvarðhaldi síðan. Þeir eru taldir tengjast og vinnur lögreglan að því að upplýsa um þátt þeirra og annara sem kunna að tengjast málinu.

Lögreglan á Suðurnesjum segist í tilkynningu vegna málsins merkja verulega aukningu í innflutningi fíkniefna til landsins á milli ára. Á öllu árinu 2024 lagði lögreglan á Suðunesjum hald á 35,5 kíló af kókaíni en það sem af er ári 2025 hefur verið lagt hald á 42,5 kíló af kókaíni.