Viðskipti innlent

Fyrsta sinni í mörg herrans ár neftóbaks­laust í Leifs­stöð

Jakob Bjarnar skrifar
Sjaldan eða aldrei hefur það gerst að menn hafi gripið í tómt þegar tóbakspungurinn í Leifsstöð er annars vegar.
Sjaldan eða aldrei hefur það gerst að menn hafi gripið í tómt þegar tóbakspungurinn í Leifsstöð er annars vegar. vísir/365

Sveinn Víkingur Árnason framkvæmdastjóri hjá ÁTVR segir ljóst að þeir hafi engar forsendur til að veita afslætti, til þess þyrfti hreinlega lagabreytingar. Hann segir þetta líklega í fyrsta skipti í sögunni sem neftóbakslaust sé í Leifsstöð.

Sveinn Víkingur var spurður út í ummæli Frank Hansen, framkvæmdastjóri Ísland Duty Free, sem sagði að því fylgdu ýmsar áskoranir að hefja nýjan rekstur.

„Við hjá Ísland Duty Free höfum á síðustu dögum tekist á við nokkur vandamál sem snúa að flutnings- og aðfangamálum. Þessi mál hafa nú verið leyst og við erum komin á beinu brautina hvað varðar vöruframboð í verslunum okkar.“

Tilefnið var grein Jóns Péturssonar, sem er sérlegur áhugamaður um íslenskar hefðir. En hann átti leið um Leifsstöð í gær og greip í tómt þegar hann ætlaði að kaupa sér pung með íslensku neftóbaki.

Spurt er hversu mikið vandamál þetta sé? ÁTVR er eini framleiðandi hins íslenska tóbaks og Sveinn Víkingur segir að ekkert vandamál hafi verið í framleiðslukeðjunni þeirra megin.

En strandaði á samningaviðræðum við Heinemann um kaupin, vildu þeir afslátt?

„Samningaviðræður eru samingaviðræður okkar. Heinemann hefur verið að biðja um afslætti um allar koppagrundir en við erum einfaldlega ekkert í afsláttarbransanum.“






Fleiri fréttir

Sjá meira


×