Viðskipti innlent

Björg­ólfur tapaði 150 milljörðum milli ára

Árni Sæberg skrifar
Björgólfur Thor og eiginkona hans, Kristín Ólafsdóttir. Með þeim er Andri Sveinsson, viðskiptafélagi Björgólfs til margra ára.
Björgólfur Thor og eiginkona hans, Kristín Ólafsdóttir. Með þeim er Andri Sveinsson, viðskiptafélagi Björgólfs til margra ára. Vísir/Vilhelm

Viðskiptamiðillinn Forbes metur auðæfi Björgólfs Thors Björgólfssonar, ríkasta Íslendingsins, á einn milljarð Bandaríkjadollara. Það gerir um 133 milljarða króna. Í fyrra var hann metinn á rúmlega tvöfalt meira, 280 milljarða króna.

Þetta kemur fram á lista Forbes yfir þá einstaklinga sem eiga meira en einn milljarð Bandaríkjadala. Björgólfur Thor var fyrsti Íslendingurinn til þess að komast á listann og hefur verið sá eini þar frá árinu 2023, eftir að Davíð Helgason datt út af listanum. 

Fimmtán eiga meira en hundrað milljarða dala

Björgólfur Thor er í ár númer 2.933 á lista yfir ríkasta fólk í heiminum. Sá sem trónir á toppnum og ber höfuð og herðar yfir aðra er hinn umdeildi Elon Musk. Auðæfi hans eru nú metin á 342 milljarða dollara, eða um 45,6 billjónir króna, sem má einnig rita svona: 45.592.020.000.000 krónur. Mark Zuckerberg, stofnandi Facebook og næstríkasti maður í heimi, er sagður eiga 216 milljarða dala.

Hér að neðan má sjá lista yfir 15 ríkustu menn í heimi en það eru einmitt allir sem eiga meira en eitt hundrað milljarða dollara. Athygli vekur að meðal þeirra er aðeins ein kona, Alice Walton, sem er einn erfingja Walmart-veldisins.

Fimmtán ríkustu einstaklingar í heimi, í dollurum talið

  1.  Elon Musk, 342 milljarðar
  2. Mark Zuckerberg, 216 milljarðar
  3. Jeff Bezos, 215 milljarðar
  4. Larry Ellison, 192 milljarðar
  5. Bernard Arnault og fjölskylda, 178 milljarðar
  6. Warren Buffet, 154 milljarðar
  7. Larry Page, 144 milljarðar
  8. Sergey Brin, 138 milljarðar
  9. Armancio Orteg 124 milljarðar
  10. Steve Ballmer, 118 milljarðar
  11. Rob Walton og fjölskylda, 110 milljarðar
  12. Jim Walton og fjölskylda, 109 milljarðar
  13. Bill Gates, 108 milljarðar
  14. Micheal Bloomberg, 105 milljarðar
  15. Alice Walton, 101 milljarður

Lyfjafyrirtæki og fjarskiptafélag í vanda

Á vef Forbes eru helstu eignir Björgólfs Thors sagðar svissneska lyfjafyrirtækið Xantis og síleska fjarskiptafélagið WOM. Hið síðarnefnda hefur verið í miklum ólgusjó undanfarin tvö ár og sótti til að mynda um greiðslustöðvun í fyrra. 

Þá er auður hans einnig sagður falinn í rafmyntum og nýsköpunarfyrirtækjum á borð við Zwift, Deliveroo og Stripe.

Íslendingar erlendis

Tengdar fréttir

Björgólfur á lista Forbes

Allt stefnir í að Björgólfur Thor Björgólfsson verði fyrstur Íslendinga til að komast á lista tímaritsins Forbes yfir ríkasta fólks heims. Luisa Kroll, ritstjóri lista Forbes, er stödd hér á landi til þess að meta eignir Björgólfs Thors og hvort hann nái inn á lista yfir  ríkustu einstaklinga í heimi.

Björgólfur Thor og félagar verða stærstu eigendur Heima

Gengið hefur verið frá samkomulagi um helstu skilmála um kaup Heima á öllu hlutafé Grósku ehf.og Gróðurhússins ehf.. Gróska ehf. á fasteignina Grósku að Bjargargötu 1, 102 Reykjavík. Heildarvirði viðskiptanna er metið á 13,85 milljarða króna. Birgir Már Ragnarsson, Björgólfur Thor Björgólfsson og Andri Sveinsson verða stærstu eigendur Heima eftir viðskiptin.



Mest lesið


Fleiri fréttir

Sjá meira


×

Mest lesið