Tekur á líkama og sál að gera þetta Aron Guðmundsson skrifar 16. janúar 2025 10:30 Björgvin Karl Guðmundsson, atvinnumaður í CrossFit Vísir/Einar Íslenski CrossFit kappinn Björgvin Karl Guðmundsson samdi á dögunum við nýja atvinnumannadeild í CrossFit, World Fitness Project, líkt og fleiri af bestu CrossFit keppendum heims en það er fyrrverandi atvinnumaðurinn og keppinautur Björgvins, Will Moorad sem stendur að baki deildinni sem er að brjóta blað í sögu íþróttarinnar. „Hann er tiltölulega nýhættur að keppa á þessu gæðastigi og er búinn að vinna í þessu síðastliðin þrjú ár og er kominn svona langt með þetta dæmi,“ segir Björgvin Karl um hina nýju atvinnumannadeild og stofnanda hennar. „Þetta virkar í rauninni sem mótaröð. Það eru samningar gerðir við topp tuttugu einstaklingana í heiminum og svo geta tíu CrossFit keppendur til viðbótar unnið sér inn keppnisrétt á mótaröðinni. Þetta verða því þrjátíu manns sem þarna keppna. Þeir líta að mig minnir í kringum fjögur ár aftur í tímann. Hvernig ég hef verið að standa mig og með því að skoða það sá hann forsendur fyrir því að bjóða mér í þessa deild. Það sama gildir um alla aðra í þessari deild. Hann velur í rauninni topp tuttugu út frá því hvernig þú hefur verið að standa þig undanfarin ár.“ Hefur ekki bara einn séns eins og á heimsleikunum Íþróttafólkið er skuldbundið til að keppa á þremur mótum yfir árið. „Það er eitt mót í Indiana, svo í Phoenix og lokamótið fer síðan fram í Kaupmannahöfn. Það er farið út um allt og virkar í raun þannig að þú safnar inn stigum á hverju móti fyrir sig. Það er dálítið frábrugðið því hvernig heimsleikarnir virka. Þar þarftu að vera tilbúinn ákveðna helgi, hefur bara einn séns og það getur verið allur gangur á því hvernig gengur á leikunum. Þarna ertu með fleiri en einn séns, safnar stigum og við getum í raun hugsað þetta eins og keppni í ensku úrvalsdeildinni í fótbolta. Í lokin er sá sem er með felst stigin krýndur meistari.“ Jákvæðar fréttir Með deildinni er verið að stíga skref sem hefur ekki þekkst innan Crossfit þar sem íþróttafólkið verður með fastar tekjur yfir tímabilið. „Þetta er ekki life changing peningur en alveg klárlega breytir þetta miklu. Með þessu ertu ekki að taka eins mikla áhættu lengur eins og þetta er fyrir nánast alla. Það eru mjög fáir sem hafa verið að lifa á þessu sem atvinnumenn auðveldlega. Þetta í rauninni gefur okkur meiri fótfestu, það er þægilegra fyrir okkur að vita að þó svo að fyrir einhverja gangi ekki vel þá ertu ekki bara að tapa peningum endalaust allt tímabilið og þarft bara að byrja á núllpunkti á því næsta. Þetta er klárlega þægilegri tilhugsun. Svo náttúrulega geturðu unnið þér inn meiri pening ef þú stendur þig vel, ef þú endar í einu af þessum toppsætum færðu í rauninni meiri pening fyrir vikið. Þetta er í fyrsta skipti sem við erum að ganga svona langt. Það hljóta náttúrulega bara að vera jákvæðar fréttir.“ Tekjur Björgvins undanfarin ár hafa til að mynda komið í gegnum verðlaunafé og samninga við styrktaraðila. „Þetta gerir fólki kleift að þurfa ekki lengur að vera vinna með. Margir hverjir, örugglega langflestir, eru með þetta þannig að þeir eru þjálfarar í Crossfit stöðvum samhliða sínum ferli og fá þannig þessar grunntekjur auk þess að vera með samning við styrktaraðila og annað. Þannig lætur fólk þetta yfirleitt ganga upp. En það eru ekkert rosalega margir sem fá tækifæri til þess að vera atvinnumenn að fullu í þessari íþrótt. Maður hefur alltaf verið að bíða eftir því að þetta skref yrði tekið. Það eru náttúrulega bara frábærar fréttir að það sé að gerast núna.“ Getur ekki verið í klikkuðu formi allt árið um kring Enn fremur útilokar þátttaka í þessari nýju atvinnumannadeild ekki þátttöku á heimsleikunum sjálfum, krúnudjásni CrossFit heimsins. En framu er hins vegar mikið tilrauna ár hjá Björgvini. „Segjum sem svo að ég komist alla leið inn á heimsleikana og keppi á sama tíma í þessari atvinnumannadeild. Þá verður þetta klárlega miklu meira álag heldur en það hefur verið. Ég er í rauninni með þessu að bæta þremur harðkjarna keppnum inn í tímabilið hjá mér. En að geta gert bæði er alveg geggjað. Þetta verður smá tilraunatímabil. Við verðum að fá að klóra okkur í gegnum þetta fyrsta ár, sjá hvort að þetta virkilega henti manni. Hvort það sé raunhæft að geta keppt svona mikið. Maður þarf svolítið að vega og meta hvenær maður vill vera tilbúinn. Viltu vera tilbúinn fyrir öll þrjú mótin á vegum World Fitness Project eða ætlarðu að reyna vera bara góður á heimsleikunum? Þú getur ekki verið í einhverju klikkuðu formi allt árið um kring. Það bara virkar ekki þannig. Maður þarf að vera sniðugur, með gott fólk í kringum sig og klár í að þetta verði frekar strembið ár. En geggjað að geta gert bæði í einu. Klárlega.“ Björgvin Karl Guðmundsson hefur verið lengi að í CrossFit heiminum og er hvergi nærri hættur.Mynd/Instagram/bk_gudmundsson Björgvin er þaulreyndur keppnismaður í CrossFit og á að baki ellefu heimsleika þar sem hann hefur best náð þriðja sæti. En hversu lengi sér hann sig halda áfram? „Þetta er góð spurning. Ég gæti alveg sagt við þig tvö ár. Það sem er að gerast er að það eru rosalega margir orðnir ótrúlega góðir. Þetta tekur gífurlegan tíma frá manni. Við erum að tala um fimm til sex tíma á dag á æfingum, einn dagur í viku sem er hvíldardagur. Það tekur bara á líkama og sál að gera þetta, í svona langan tíma líka. En þetta er samt enn mjög gaman. Ég hef alltaf sagt mér það og lofaði mér því eiginlega að um leið og mér finnst þetta ekki gaman lengur ætla ég að hætta þessu. Sá dagur er ekki kominn enn þá.“ CrossFit Mest lesið Reykjavíkurmaraþonið í beinni á Vísi Sport Elísa langfyrst fyrir Magnús Mána: „Þessi dagur er fyrir hann“ Sport Magnaður sigur Dags í Vestratreyju: „Núna er bara stefnan sett á ÓL“ Sport Svekktur Íslandsmeistari: „Þetta var rosalega erfitt hlaup“ Sport Vann hálft maraþon, fæddi barn og varð svo meistari í heilu maraþoni Sport Sjáðu „fólkið frá þessum stað“ fagna í alvöru gæsahúðarmyndbandi Fótbolti Skelfileg mistök City og fullkomin byrjun Spurs Enski boltinn Patrick sleit hásin og verður frá út tímabilið Íslenski boltinn Aurier í bann vegna lifrarbólgu Fótbolti Gat ekki skammað frænda því hann þurfti að fara upp á spítala Handbolti Fleiri fréttir Skelfileg mistök City og fullkomin byrjun Spurs Valgeir fékk að spila og lagði strax upp í fyrsta sigrinum Vann hálft maraþon, fæddi barn og varð svo meistari í heilu maraþoni Svekktur Íslandsmeistari: „Þetta var rosalega erfitt hlaup“ Elísa langfyrst fyrir Magnús Mána: „Þessi dagur er fyrir hann“ Magnaður sigur Dags í Vestratreyju: „Núna er bara stefnan sett á ÓL“ Sjáðu „fólkið frá þessum stað“ fagna í alvöru gæsahúðarmyndbandi Aurier í bann vegna lifrarbólgu Myndaveisla frá sögulegri stund Vestra Reykjavíkurmaraþonið í beinni á Vísi Gat ekki skammað frænda því hann þurfti að fara upp á spítala Sjáðu markaveisluna hjá Chelsea í Austur-Lundúnum Dagskráin í dag: Enski boltinn á sviðið „Greenwood fékk annað tækifæri en ekki sonur minn“ Potter niðurlútur: „Ekki margt jákvætt“ „Það er æfing á morgun“ „Flottasta mark sem ég hef skorað á ferlinum“ Patrick sleit hásin og verður frá út tímabilið „Lið úr bæ þar sem eru fleiri fiskar og kindur en fólk“ Uppgjörið: Valur - Vestri 0-1 | Vestri bikarmeistari í fyrsta sinn Chelsea svaraði með fimm mörkum og pressan á Potter eykst Uppgjörið: Breiðablik - Tindastóll 5-0 | Blikar fóru illa með laskaða Stóla Kane með þrennu er Bayern valtaði yfir Leipzig Sló Íslandsmetið í sleggjukasti Framlengir við City: „Ég elska Manchester“ Palmer meiddist í upphitun og ekki með gegn West Ham Tap í síðasta leik fyrir EM Rodri og Foden klárir í slaginn Viljum ekki leikmenn sem vilja ekki Spurs Ósáttur við aðgerðaleysið: Dreg fram skóna sjálfur Sjá meira
„Hann er tiltölulega nýhættur að keppa á þessu gæðastigi og er búinn að vinna í þessu síðastliðin þrjú ár og er kominn svona langt með þetta dæmi,“ segir Björgvin Karl um hina nýju atvinnumannadeild og stofnanda hennar. „Þetta virkar í rauninni sem mótaröð. Það eru samningar gerðir við topp tuttugu einstaklingana í heiminum og svo geta tíu CrossFit keppendur til viðbótar unnið sér inn keppnisrétt á mótaröðinni. Þetta verða því þrjátíu manns sem þarna keppna. Þeir líta að mig minnir í kringum fjögur ár aftur í tímann. Hvernig ég hef verið að standa mig og með því að skoða það sá hann forsendur fyrir því að bjóða mér í þessa deild. Það sama gildir um alla aðra í þessari deild. Hann velur í rauninni topp tuttugu út frá því hvernig þú hefur verið að standa þig undanfarin ár.“ Hefur ekki bara einn séns eins og á heimsleikunum Íþróttafólkið er skuldbundið til að keppa á þremur mótum yfir árið. „Það er eitt mót í Indiana, svo í Phoenix og lokamótið fer síðan fram í Kaupmannahöfn. Það er farið út um allt og virkar í raun þannig að þú safnar inn stigum á hverju móti fyrir sig. Það er dálítið frábrugðið því hvernig heimsleikarnir virka. Þar þarftu að vera tilbúinn ákveðna helgi, hefur bara einn séns og það getur verið allur gangur á því hvernig gengur á leikunum. Þarna ertu með fleiri en einn séns, safnar stigum og við getum í raun hugsað þetta eins og keppni í ensku úrvalsdeildinni í fótbolta. Í lokin er sá sem er með felst stigin krýndur meistari.“ Jákvæðar fréttir Með deildinni er verið að stíga skref sem hefur ekki þekkst innan Crossfit þar sem íþróttafólkið verður með fastar tekjur yfir tímabilið. „Þetta er ekki life changing peningur en alveg klárlega breytir þetta miklu. Með þessu ertu ekki að taka eins mikla áhættu lengur eins og þetta er fyrir nánast alla. Það eru mjög fáir sem hafa verið að lifa á þessu sem atvinnumenn auðveldlega. Þetta í rauninni gefur okkur meiri fótfestu, það er þægilegra fyrir okkur að vita að þó svo að fyrir einhverja gangi ekki vel þá ertu ekki bara að tapa peningum endalaust allt tímabilið og þarft bara að byrja á núllpunkti á því næsta. Þetta er klárlega þægilegri tilhugsun. Svo náttúrulega geturðu unnið þér inn meiri pening ef þú stendur þig vel, ef þú endar í einu af þessum toppsætum færðu í rauninni meiri pening fyrir vikið. Þetta er í fyrsta skipti sem við erum að ganga svona langt. Það hljóta náttúrulega bara að vera jákvæðar fréttir.“ Tekjur Björgvins undanfarin ár hafa til að mynda komið í gegnum verðlaunafé og samninga við styrktaraðila. „Þetta gerir fólki kleift að þurfa ekki lengur að vera vinna með. Margir hverjir, örugglega langflestir, eru með þetta þannig að þeir eru þjálfarar í Crossfit stöðvum samhliða sínum ferli og fá þannig þessar grunntekjur auk þess að vera með samning við styrktaraðila og annað. Þannig lætur fólk þetta yfirleitt ganga upp. En það eru ekkert rosalega margir sem fá tækifæri til þess að vera atvinnumenn að fullu í þessari íþrótt. Maður hefur alltaf verið að bíða eftir því að þetta skref yrði tekið. Það eru náttúrulega bara frábærar fréttir að það sé að gerast núna.“ Getur ekki verið í klikkuðu formi allt árið um kring Enn fremur útilokar þátttaka í þessari nýju atvinnumannadeild ekki þátttöku á heimsleikunum sjálfum, krúnudjásni CrossFit heimsins. En framu er hins vegar mikið tilrauna ár hjá Björgvini. „Segjum sem svo að ég komist alla leið inn á heimsleikana og keppi á sama tíma í þessari atvinnumannadeild. Þá verður þetta klárlega miklu meira álag heldur en það hefur verið. Ég er í rauninni með þessu að bæta þremur harðkjarna keppnum inn í tímabilið hjá mér. En að geta gert bæði er alveg geggjað. Þetta verður smá tilraunatímabil. Við verðum að fá að klóra okkur í gegnum þetta fyrsta ár, sjá hvort að þetta virkilega henti manni. Hvort það sé raunhæft að geta keppt svona mikið. Maður þarf svolítið að vega og meta hvenær maður vill vera tilbúinn. Viltu vera tilbúinn fyrir öll þrjú mótin á vegum World Fitness Project eða ætlarðu að reyna vera bara góður á heimsleikunum? Þú getur ekki verið í einhverju klikkuðu formi allt árið um kring. Það bara virkar ekki þannig. Maður þarf að vera sniðugur, með gott fólk í kringum sig og klár í að þetta verði frekar strembið ár. En geggjað að geta gert bæði í einu. Klárlega.“ Björgvin Karl Guðmundsson hefur verið lengi að í CrossFit heiminum og er hvergi nærri hættur.Mynd/Instagram/bk_gudmundsson Björgvin er þaulreyndur keppnismaður í CrossFit og á að baki ellefu heimsleika þar sem hann hefur best náð þriðja sæti. En hversu lengi sér hann sig halda áfram? „Þetta er góð spurning. Ég gæti alveg sagt við þig tvö ár. Það sem er að gerast er að það eru rosalega margir orðnir ótrúlega góðir. Þetta tekur gífurlegan tíma frá manni. Við erum að tala um fimm til sex tíma á dag á æfingum, einn dagur í viku sem er hvíldardagur. Það tekur bara á líkama og sál að gera þetta, í svona langan tíma líka. En þetta er samt enn mjög gaman. Ég hef alltaf sagt mér það og lofaði mér því eiginlega að um leið og mér finnst þetta ekki gaman lengur ætla ég að hætta þessu. Sá dagur er ekki kominn enn þá.“
CrossFit Mest lesið Reykjavíkurmaraþonið í beinni á Vísi Sport Elísa langfyrst fyrir Magnús Mána: „Þessi dagur er fyrir hann“ Sport Magnaður sigur Dags í Vestratreyju: „Núna er bara stefnan sett á ÓL“ Sport Svekktur Íslandsmeistari: „Þetta var rosalega erfitt hlaup“ Sport Vann hálft maraþon, fæddi barn og varð svo meistari í heilu maraþoni Sport Sjáðu „fólkið frá þessum stað“ fagna í alvöru gæsahúðarmyndbandi Fótbolti Skelfileg mistök City og fullkomin byrjun Spurs Enski boltinn Patrick sleit hásin og verður frá út tímabilið Íslenski boltinn Aurier í bann vegna lifrarbólgu Fótbolti Gat ekki skammað frænda því hann þurfti að fara upp á spítala Handbolti Fleiri fréttir Skelfileg mistök City og fullkomin byrjun Spurs Valgeir fékk að spila og lagði strax upp í fyrsta sigrinum Vann hálft maraþon, fæddi barn og varð svo meistari í heilu maraþoni Svekktur Íslandsmeistari: „Þetta var rosalega erfitt hlaup“ Elísa langfyrst fyrir Magnús Mána: „Þessi dagur er fyrir hann“ Magnaður sigur Dags í Vestratreyju: „Núna er bara stefnan sett á ÓL“ Sjáðu „fólkið frá þessum stað“ fagna í alvöru gæsahúðarmyndbandi Aurier í bann vegna lifrarbólgu Myndaveisla frá sögulegri stund Vestra Reykjavíkurmaraþonið í beinni á Vísi Gat ekki skammað frænda því hann þurfti að fara upp á spítala Sjáðu markaveisluna hjá Chelsea í Austur-Lundúnum Dagskráin í dag: Enski boltinn á sviðið „Greenwood fékk annað tækifæri en ekki sonur minn“ Potter niðurlútur: „Ekki margt jákvætt“ „Það er æfing á morgun“ „Flottasta mark sem ég hef skorað á ferlinum“ Patrick sleit hásin og verður frá út tímabilið „Lið úr bæ þar sem eru fleiri fiskar og kindur en fólk“ Uppgjörið: Valur - Vestri 0-1 | Vestri bikarmeistari í fyrsta sinn Chelsea svaraði með fimm mörkum og pressan á Potter eykst Uppgjörið: Breiðablik - Tindastóll 5-0 | Blikar fóru illa með laskaða Stóla Kane með þrennu er Bayern valtaði yfir Leipzig Sló Íslandsmetið í sleggjukasti Framlengir við City: „Ég elska Manchester“ Palmer meiddist í upphitun og ekki með gegn West Ham Tap í síðasta leik fyrir EM Rodri og Foden klárir í slaginn Viljum ekki leikmenn sem vilja ekki Spurs Ósáttur við aðgerðaleysið: Dreg fram skóna sjálfur Sjá meira