Ey­gló fjórða á HM

Eygló var í 6. sæti eftir snörunina en hækkaði um tvö sæti eftir jafnhendinguna. Hún lyfti samtals 239 kg. Ólympíumeistarinn Olivia Lynn Reeves frá Bandaríkjunum varð hlutskörpust en hún lyfti 267 kg samanlagt.

Eygló byrjaði á því að lyfta 101 kg í snörun, svo 104 kg og loks 107 kg. Í fyrstu tilraun í jafnhendingunni lyfti hún 129 kg og svo reif hún upp 134 kg. Hún gerði síðan ógilt í þriðju tilraun.

Samanlagt lyfti Eygló því 267 kg eins og áður sagði. Það skilaði henni 4. sæti en hún var 22 kg frá bronsverðlaunum. Þetta er í fyrsta sinn sem Eygló er í A-hópi á HM.

Eygló náð þarna bestum árangri allra Evrópubúa í flokknum sínum og bætti Íslandsmet sitt bæði í samanlögðu og í snörun. Þetta voru líka ný Norðurlandamet.

Árið hefur verið gott fyrir Eygló en hún varð Evrópumeistari U-23 ára og var hársbreidd frá því að komast inn á Ólympíuleikana í París. Í haust hefur hún lyft þyngdum sem hefðu skilað silfri á EM fullorðinna og 6. sæti á Ólympíuleikum.

Á EM U-23 ára lyfti Eygló samtals 237 kg, tveimur kg minna en á HM, og sló um leið Norðurlandametið í fullorðinsflokki. Hún lyfti 104 kg í snörun og 133 kg í jafnhendingu.