Innlent

Líkur aukast á eld­gosi í lok nóvember

Jón Ísak Ragnarsson skrifar
Reiknað er með eldgosi í lok nóvember, haldi landris í Svartsengi áfram með sama hraða og verið hefur.
Reiknað er með eldgosi í lok nóvember, haldi landris í Svartsengi áfram með sama hraða og verið hefur. Vísir/Vilhelm

Út frá nýju hættu mati Veðurstofunnar vegna kvikusöfnunar í Svartsengi má reikna með að líkur fari að aukast á nýju kvikuhlaupi og jafnvel eldgosi á Reykjanesskaga í lok nóvember. Landris og kvikusöfnun hefur verið á stöðugum hraða síðustu vikur.

Þetta kemur fram í uppfærðri frétt og hættumati Veðurstofunnar.

Þar kemur fram að jarðskjálftavirkni hafi verið áfram mjög lítil við Sundhnúksgígaröðina, en eingöngu nokkrir smáskjálftar hafi mælst á dag.

Út frá nýjum líkanreikningum sem byggðir eru á GPS-mælingum og gervitunglagögnum má reikna með að líkur fari að aukast á nýju kvikuhlaupi og eldgosi í lok nóvember. 

Tekið er fram að þetta mat sé háð þeim aflögunargögnum sem eru til staðar á hverjum tíma. Muni hraði landriss í Svartsengi breytast muni matið breytast í samræmi við það.

Sjá nánar á vef Veðurstofunnar.

Eldgos og jarðhræringar Eldgos á Reykjanesskaga

Mest lesið


Fleiri fréttir

Sjá meira


×

Mest lesið