Neytendur

Sex milljarðar í tekjur af nikó­tíni á næsta ári

Lovísa Arnardóttir skrifar
Gjald verður lagt á nikótínpúða og rafrettuvökva á næsta ári verði frumvarp um breytingar á ýmsum lögum um skatta gjöld að raunveruleika á yfirstandandi þingi.
Gjald verður lagt á nikótínpúða og rafrettuvökva á næsta ári verði frumvarp um breytingar á ýmsum lögum um skatta gjöld að raunveruleika á yfirstandandi þingi. Vísir/Einar

Gert er ráð fyrir sex milljarða tekjum á næsta ári vegna gjaldtöku á nikótínvörur. Að auki má búast við því að hliðaráhrif vegna virðisaukaskatts gætu unið 1,5 milljörðum króna. Þetta kemur fram í mati á áhrifum frumvarps til laga um breytingu á ýmsum lögum um skatta og gjöld.

Í matinu kemur fram að áformaðar séu breytingar sem fela í sér ýmsar nauðsynlegar lagabreytingar á ýmsum lögum um skatta og gjöld og fleiri lögum. Það muni meðal annars, leiða til betri og skýrari löggjafar. 

Gert er ráð fyrir því í frumvarpinu að tekjur vegna gjaldtöku á millilítra af vökva í rafrettum og áfyllingarvökva fyrir rafrettur geti numið tveimur milljörðum á næsta ári. Þar kemur einnig fram að gert sé ráð fyrir því að tekjur ríkissjóðs af gjaldtöku á nikótínvörur að fjárhæð 30 krónur á hvert gramm gætu numið fjórum milljörðum króna auk 1,5 milljarða vegna virðisaukaskatts.

„Samfélagslegur ávinningur er af aðgerðum sem auðvelda fjármögnun sprota- og nýsköpunarfyrirtækja, svo sem í formi aukinnar fjölbreytni efnahagslífsins. Sama á við um gjaldtöku á nikótínvörur, einnota rafrettur og áfyllingarvökva í rafrettur,“ segir í matinu og að breytingin muni hafa áhrif á lýðheilsu.

Eftirspurn dragist mögulega saman vegna gjaldtöku

Matið er næmt fyrir forsendum um eiginverðteygni eftirspurnar eftir framangreindum vörum, en hún hefur áhrif á skiptingu skattbyrðarinnar milli seljenda og neytenda og það hversu mikið eftirspurn mun dragast saman vegna gjaldtökunnar.

Málið er eitt þeirra sem er á þingmálaskrá ríkisstjórnarinnar sem nú er að fara frá. Frumvarpið var sett inn í samráðsgáttina í gær og er frestur gefinn til 20. október til að skila inn athugasemd um málið.

Nikótínpúðar Rafrettur Áfengi og tóbak Ríkisstjórn Bjarna Benediktssonar Skattar og tollar

Tengdar fréttir

Til skoðunar að beita refsisköttum á nikótínpúða

Heilbrigðisráðherra segir að huga þurfi að skattlagningu á nikótínvörur til þess að sporna við notkun barna og ungmenna á nikótínpúðum og rafrettum. Hann segir framlegð af sölu nikótínvara óeðlilega en hún nær ekki tíu prósentum.

Stjórnvöld sofi á verðinum meðan Svens sæki í börnin

Eyrún Magnúsdóttir fjölmiðlakona og íbúi í Bústaðahverfi segir níkótínsölumenn starfa nær óáreitta í skjóli sofandi stjórnvalda hér á landi. Hún segir Bústaðaveg brátt verða Níkótínstræti vegna opnunar nýrrar verslunar Svens í Grímsbæ. Hún spyr hvort leigutekjur Reita, sem séu að mestu í eigu lífeyrissjóða, séu mikilvægari en áform níkótínsala um að ná fótfestu í skólahverfi.



Mest lesið


Fleiri fréttir

Sjá meira


×

Mest lesið