Kæru Skeiða- og Gnúpverjahrepps vegna Búrfellslundar vísað frá

Yfirvöld í Skeiða- og Gnúpverjahreppi sögðu meðal annars í kæru sinni að sveitarfélagið hefði lögvarða hagsmuni vegna leyfisveitingarinnar þar sem virkjunarleyfið hefði áhrif á landnotkun innan sveitarfélagsins.

Úrskurðarnefndin tók hins vegar ekki efnislega afstöðu til sjónarmiða hreppsins, heldur var málinu vísað frá með þeim rökum að sveitarfélagið ætti ekki aðild að málinu, þar sem ekki væri um að ræða „verulega einstaklingsbundna hagsmuni“.

Haraldur Þór Jónsson, oddviti Skeiða- og Gnúpverjahrepps, segir í samtali við Morgunblaðið að niðurstaðan hafi komið á óvart. Málið verði rætt á næstu dögum en niðurstöðu líklega beðið í máli Náttúrugriða sem einnig hafa kært virkjunarleyfið.