Ert þú á leið í framkvæmdir og veist ekki hvar þú átt að byrja?

BYKO 3. október 2024 13:09

Gísli Álfgeirsson fer fyrir Framkvæmdaráðgjöf BYKO þar sem hann er viðskiptavinum BYKO innan handa frá upphafi framkvæmda og auðveldar þeim lífið með alhliða ráðgjöf og gagnlegum ráðum í tengslum við stórar sem smáar framkvæmdir.

Framkvæmdaráðgjöf BYKO hefur verið starfrækt um fimm ára skeið en hún er samstarfsverkefni BYKO og Gísla Álfgeirssonar hjá Heildstæðri hönnun. Í framkvæmdaráðgjöfinni er Gísli viðskiptavinum BYKO innan handa frá upphafi framkvæmda og auðveldar þeim lífið með alhliða ráðgjöf og gagnlegum ráðum í tengslum við stórar sem smáar framkvæmdir heima fyrir eða í bústaðnum.

„Hver þekkir ekki þá kvíðatilfinningu sem brýst gjarnan fram þegar ráðast á í stórar framkvæmdir heima fyrir,“ segir Gísli. „Það er ekki alltaf ljóst hvar skal byrja eða í hvaða tímaröð á að raða ólíkum verkþáttum. Í gamla daga gátum við oft stólað á Palla frænda sem var svona „alt mulig mand” og gat svarað flestum spurningum og jafnvel hjálpað aðeins til. Í dag er erfitt að finna slíka snillinga og þá er gott til þess að vita að hægt sé að leita til okkar með úrlausn slíkra mála. Við sjáum til þess að framkvæmdin sé hugsuð rétt frá upphafi til enda sem kemur í veg fyrir að óþarfa óvissuþætti og óvænt útgjöld.“

Algengar framkvæmdir sem fólk ræðst í eru til dæmis þær að taka baðið í gegn, skipta um eldhúsinnréttingu, setja upp fataskápa, byggja við húsið eða jafnvel byggja nýtt hús frá grunni. „Við slíkar framkvæmdir vakna eðlilega ýmsar spurningar,“ segir Gísli. „Er þetta burðarveggur? Er rafmagn eða vatnsleiðsla í þessum vegg? Kallar ný eldhúsinnrétting á frekari breytingar? Hversu langan tíma tekur framkvæmdin og hvað skyldi hún kosta? Þarf ég aðstoð frá pípulagningamanni, rafvirkja eða öðrum fagmanni á þessum tímapunkti?“

Viðbrögð viðskiptavina BYKO hafa verið mjög góð þau fimm ár sem ráðgjöfin hefur verið veitt. „Einn viðskiptavinur sem kom til mín nýlega lýsti þessu svo vel en hann var að gera upp baðherbergið heima hjá sér. Eftir að hafa farið yfir málið með honum horfði hann á mig og sagði: „Vá, hvað ég vildi að ég hefði komið til þín fyrir hálfu ári síðan. Þá hefði ég hugsað þessa framkvæmd allt öðruvísi. Ráðgjöf í upphafi hefði svo sannarlega sparað mér tíma, pening og mikinn pirring.“

Hægt er að panta tíma hjá Gísli á byko.is. Hver tími er um 30 mínútur og kostar 9.995 kr. Upphæðin nýtist sem inneign þegar keyptar eru vörur til framkvæmda í BYKO.

Gísli ráðleggur því fólki í framkvæmdahug að bóka tíma á byko.is. „Hver tími er um 30 mínútur og hægt er að hitta mig í BYKO Breidd í Kópavogi eða taka fjarfund á Teams. Tíminn kostar 9.995 kr. og upphæðin nýtist sem inneign þegar keyptar eru vörur til framkvæmda í BYKO. Auk framkvæmdaráðgjafar er hægt að reikna út kostnað við ýmis efniskaup og fá aðstoð við val á iðnaðarmönnum.“

Nánari upplýsingar á vef BYKO.

Hús og heimili