Val­kyrjur og Venus ó­sigraðar á toppnum

Valkyrjurnar eftir sannfærandi 13-4 sigur á Hetti og Venus eftir að hafa klárað GoldDiggers 13 - 6. Þá hafnaði lið Þórs í 6. Sæti eftir að hafa landað sínum fyrsta sigri á mótinu, gegn Guardian Grýlunum, 13-8.

Venju samkvæmt fylgdust Mist Reyk­dal Magnús­dóttir og Daníel Máni Óskars­son með gangi mála í beinni útsendingu og lýstu meðal annars viðureign Valkyrjanna og Venusar.

Úrslit 3. Umferðar:

Jötunn Valkyrjur - Höttur 13 - 4

ControllerZ - Klutz 3 - 13

Þór - Guardian Grýlurnar 13 - 8

Venus - GoldDiggers 13 - 6

Daníel Máni benti á að nú þegar þrjár umferðir væru búnar og fjórar eftir þyrftu liðin að fara að skoða sinn gang og hversu mikið framhaldið er í þeirra höndum en þau lið sem sjái fram á að staða þeirra á stigatöflunni ráðist frekar af úrslitum hjá öðrum liðum en eigin frammistöðu séu komin á hættulegan stað.

Mist, sem var á sínum tíma fyrirliði Valkyrjanna, vakti síðan athygli á því að liðið væri á toppnum eftir sigra á liðum í neðri sætum deildarinnar og það yrði spennandi að sjá þær mæta efri liðum eins og Venus og Klutz.

Það má því ætla að róðurinn þyngist hjá Valkyrjunum í þessari viku þegar þær mæta einmitt Venusi 27. september í 4. umferð en eins og Mist minnti á þá eru bæði liðin ósigruð og því ekki von á öðru en þetta verði „geðveikur leikur.“

Daníel tók undir að framundan væri vissulega spennandi umferð á föstudaginn mætast auk Venusar og Valkyrja lið ControllerZ og GoldDiggers, Guardian Grýlurnar og Höttur og Þór og Klutz.