Viðskipti innlent

Costco innkallar makkarónukökur vegna salmonellu

Kolbeinn Tumi Daðason skrifar
Costco er staðsett í Kauptúni í Garðabæ.
Costco er staðsett í Kauptúni í Garðabæ. Vísir/Vilhelm

Matvælastofnun varar við neyslu á nokkrum framleiðslulotum af frönskum makkarónukökum með pistasíukremi frá Joie De Vivre sem Costco Iceland hefur flutt inn, vegna salmonellumengunar.

Þetta kemur fram í tilkynningu frá Matvælastofnun.

Vörumerki: Joie De Vivre

Vöruheiti: French Macarons 36pk

Framleiðandi: Ajinomoto Foods Europe

Innflytjandi: Costco UK/Costco Iceland

Framleiðsluland: Frakkland

Lotunúmer/best fyrir dagsetningar: 14/08/2024, 19/08/2024, 09/09/2024, 18/09/2024, 27/09/2024.

Geymsluskilyrði: 0-4°C (kælivara)

Dreifing: Costco Iceland

Fyrirtækið hefur í samráði við heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness innkallað vörurnar. Þær eru einungis seldar í verslun Costco.

Neytendur sem keypt hafa vöruna er bent á að neyta hennar ekki heldur farga eða skila henni til verslunar.

Makkarónukökur.
Innköllun Costco


Mest lesið


Fleiri fréttir

Sjá meira


×

Mest lesið