Formaðurinn neiti að horfast í augu við einkunnaverðbólgu Magnús Jochum Pálsson skrifar 24. júlí 2024 14:44 Björn Brynjúlfur Björnsson (fyrir miðju) er framkvæmdastjóri Viðskiptaráðs sem hefur birt færslu þar sem gagnrýni Ásmundar Einars Daðasonar menntamálaráðherra (til hægri) og Magnúsar Þórs Jónssonar, formanns Kennarasambands Íslands (til vinstri) er svarað. Vísir/Viðskiptaráð Viðskiptaráð Íslands hefur svarað gagnrýni menntamálaráðherra og formanns Kennarasambands Íslands. Ráðið segir formann KÍ ekki viðurkenna raunverulegan vanda einkunnaverðbólgu og einkunnasamræmis og segir ráðherrann skauta umræðu um menntun. Um helgina var greint frá sjónarmiðum Viðskiptaráðs Íslands um fyrirhugaðar breytingar á lögum um grunnskóla. Þar kom fram að ráðið vildi að samræmd próf yrðu tekin upp að nýju og látin gilda inn í framhaldsskóla. Einnig sagði ráðið að Kennarasambandið hefði leitt málaflokkinn í öngstræti. Anton Már Gylfason, stjórnarmaður í Kennarasambandinu sagði í viðtali við fréttastofu að hugmyndir Viðskiptaráðs byggðu á gamaldags hugmyndum. Magnús Þór Jónsson, formaður KÍ, sagðist í viðtali við Rúv vera ósammála umsögn ráðsins og furðaði sig á stöðumatsprófi sem lagt hefur verið fyrir nýnema Verzlunarskólans undanfarin ár. Ásmundur Einar Daðason menntamálaráðherra sagði málflutning Viðskiptaráðs, um starfsfólk menntakerfisins óásættanlegan og hjákátlegan. Einnig sagði Ásmundur að innleiðing nýs samræmds matsækis væri þegar hafin og hún hefði verið unnin í nánu samstarfi við fólk sem ynni með börnum. Í færslu sem birtist í dag fagnaði Viðskiptaráð umræðu um umsögnina en lýsti yfir vonbrigðum með viðbrögð menntamálaráðherra og formanns KÍ. Vegna ummæla þeirra vill ráðið koma þremur atriðum á framfæri. Segjast ekki krefjast eins samræmds prófs Viðskiptaráð segir ólíkt því sem formaður KÍ segi hafi ráðið hvergi talað fyrir einu prófi í samræmdu námsmati. Ráðið sé fylgjandi því að námsmat sé þróað og bætt í takti við það sem best tíðkast í skólastarfi, það geti til dæmis verið í formi fleiri og styttri prófa. „Tillögur Viðskiptaráðs um áframhaldandi samræmd próf byggja á sjónarmiðum um jafnræði grunnskólabarna óháð búsetu og umbótum í skólastarfi. Það eru tímalaus gildi sem verða aldrei úrelt,“ segir í færslunni. Misræmi í einkunnagjöf og einkunnaverðbólga Þá segir ráðið að afstaða formanns KÍ um að misræmis gæti ekki í einkunnagjöf grunnskóla stangist á við niðurstöður rannsókna menntamálayfirvalda. Ráðið vísar í tvær rannsóknir Menntamálastofnunar sér til stuðnings. Rannsókn Menntamálastofnunar á misræmi í einkunnagjöf grunnskóla frá árinu 2022 hafi leitt í ljós að 35 prósent nemenda búi við að skólaeinkunn þeirra sé „líklega umtalsvert lægri eða hærri en hefði verið í öðrum skóla.“ Í annarri rannsókn stofnunarinnar segir að breytingar á einkunnakvarða frá númerum yfir í bókstafi hafi ekki náð að vinda ofan af síhækkandi meðaleinkunnum. Ráðið segir misræmi í einkunnagjöf og einkunnaverðbólga alvarlegan vanda í íslensku grunnskólakerfi og að fyrsta skrefið í lausn á vandanum sé að viðurkenna tilvist hans. „Vonandi stígur formaður Kennarasamband Íslands það skref fyrr en síðar,“ segir svo í færslunni Tillögur ráðsins myndu bæta starfsumhverfi Viðskiptaráð hafnar því að tillögur ráðsins feli í sér gagnrýni á störf kennara og annars starfsfólks menntakerfisins. Þá lýsir ráðið yfir vonbrigðum með tilraun ráðherra til að skauta umræðu um menntun. Ráðið segir að ákall um að árangur af grunnskólastarfi sé mældur með samræmdum hætti feli ekki í sér gagnrýni á störf kennara. Tillögur ráðsins myndu þvert á móti bæta starfsumhverfi kennara, auka traust og gagnsæi í skólastarfi og draga úr þrýstingi af hálfu foreldra þegar kemur að einkunnagjöf. Að lokum leggur ráðið fram þrjár tillögur sem muni tryggja mælingar á árangri grunnskólakerfisins, veita grunnskólum aðhald og umbótaverkfæri og tryggja börnum jafnræði til náms að nýju. Þær eru: Hætt verði við áform um endanlegt afnám samræmdra prófa. Niðurstöður samræmdra prófa og PISA-mælinga verði birtar opinberlega niður á einstaka skóla til að tryggja jafnræði og umbætur þegar kemur að námsárangri. Framhaldsskólum verði frjálst að nota samræmd próf eða inntökupróf til að tryggja jafnræði meðal umsækjenda um skólavist. Skóla- og menntamál Grunnskólar Framhaldsskólar Mest lesið Ráðuneytið ógilti lóðaúthlutun fyrir milljarða Viðskipti innlent „Ég held að þú þurfir ný gleraugu“ Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Bein útsending: Rökstyðja ákvörðun sína um lækkun vaxta Viðskipti innlent Jakob Valgeir lét Guðbjart bróður sinn fara Viðskipti innlent Birta nýja ákvörðun um stýrivexti í dag Viðskipti innlent Úthluta eftirstandandi hlutum í Íslandsbanka Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Hver verður Iðnaðarmaður ársins 2025 - kosning Samstarf Fleiri fréttir Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Selja allan eignarhlut ríkisins í Íslandsbanka Sjóvá tapar hálfum milljarði Málaferli vegna innkaupa ÁTVR halda enn áfram Jón Ólafur nýr formaður SA Sjá meira
Um helgina var greint frá sjónarmiðum Viðskiptaráðs Íslands um fyrirhugaðar breytingar á lögum um grunnskóla. Þar kom fram að ráðið vildi að samræmd próf yrðu tekin upp að nýju og látin gilda inn í framhaldsskóla. Einnig sagði ráðið að Kennarasambandið hefði leitt málaflokkinn í öngstræti. Anton Már Gylfason, stjórnarmaður í Kennarasambandinu sagði í viðtali við fréttastofu að hugmyndir Viðskiptaráðs byggðu á gamaldags hugmyndum. Magnús Þór Jónsson, formaður KÍ, sagðist í viðtali við Rúv vera ósammála umsögn ráðsins og furðaði sig á stöðumatsprófi sem lagt hefur verið fyrir nýnema Verzlunarskólans undanfarin ár. Ásmundur Einar Daðason menntamálaráðherra sagði málflutning Viðskiptaráðs, um starfsfólk menntakerfisins óásættanlegan og hjákátlegan. Einnig sagði Ásmundur að innleiðing nýs samræmds matsækis væri þegar hafin og hún hefði verið unnin í nánu samstarfi við fólk sem ynni með börnum. Í færslu sem birtist í dag fagnaði Viðskiptaráð umræðu um umsögnina en lýsti yfir vonbrigðum með viðbrögð menntamálaráðherra og formanns KÍ. Vegna ummæla þeirra vill ráðið koma þremur atriðum á framfæri. Segjast ekki krefjast eins samræmds prófs Viðskiptaráð segir ólíkt því sem formaður KÍ segi hafi ráðið hvergi talað fyrir einu prófi í samræmdu námsmati. Ráðið sé fylgjandi því að námsmat sé þróað og bætt í takti við það sem best tíðkast í skólastarfi, það geti til dæmis verið í formi fleiri og styttri prófa. „Tillögur Viðskiptaráðs um áframhaldandi samræmd próf byggja á sjónarmiðum um jafnræði grunnskólabarna óháð búsetu og umbótum í skólastarfi. Það eru tímalaus gildi sem verða aldrei úrelt,“ segir í færslunni. Misræmi í einkunnagjöf og einkunnaverðbólga Þá segir ráðið að afstaða formanns KÍ um að misræmis gæti ekki í einkunnagjöf grunnskóla stangist á við niðurstöður rannsókna menntamálayfirvalda. Ráðið vísar í tvær rannsóknir Menntamálastofnunar sér til stuðnings. Rannsókn Menntamálastofnunar á misræmi í einkunnagjöf grunnskóla frá árinu 2022 hafi leitt í ljós að 35 prósent nemenda búi við að skólaeinkunn þeirra sé „líklega umtalsvert lægri eða hærri en hefði verið í öðrum skóla.“ Í annarri rannsókn stofnunarinnar segir að breytingar á einkunnakvarða frá númerum yfir í bókstafi hafi ekki náð að vinda ofan af síhækkandi meðaleinkunnum. Ráðið segir misræmi í einkunnagjöf og einkunnaverðbólga alvarlegan vanda í íslensku grunnskólakerfi og að fyrsta skrefið í lausn á vandanum sé að viðurkenna tilvist hans. „Vonandi stígur formaður Kennarasamband Íslands það skref fyrr en síðar,“ segir svo í færslunni Tillögur ráðsins myndu bæta starfsumhverfi Viðskiptaráð hafnar því að tillögur ráðsins feli í sér gagnrýni á störf kennara og annars starfsfólks menntakerfisins. Þá lýsir ráðið yfir vonbrigðum með tilraun ráðherra til að skauta umræðu um menntun. Ráðið segir að ákall um að árangur af grunnskólastarfi sé mældur með samræmdum hætti feli ekki í sér gagnrýni á störf kennara. Tillögur ráðsins myndu þvert á móti bæta starfsumhverfi kennara, auka traust og gagnsæi í skólastarfi og draga úr þrýstingi af hálfu foreldra þegar kemur að einkunnagjöf. Að lokum leggur ráðið fram þrjár tillögur sem muni tryggja mælingar á árangri grunnskólakerfisins, veita grunnskólum aðhald og umbótaverkfæri og tryggja börnum jafnræði til náms að nýju. Þær eru: Hætt verði við áform um endanlegt afnám samræmdra prófa. Niðurstöður samræmdra prófa og PISA-mælinga verði birtar opinberlega niður á einstaka skóla til að tryggja jafnræði og umbætur þegar kemur að námsárangri. Framhaldsskólum verði frjálst að nota samræmd próf eða inntökupróf til að tryggja jafnræði meðal umsækjenda um skólavist.
Skóla- og menntamál Grunnskólar Framhaldsskólar Mest lesið Ráðuneytið ógilti lóðaúthlutun fyrir milljarða Viðskipti innlent „Ég held að þú þurfir ný gleraugu“ Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Bein útsending: Rökstyðja ákvörðun sína um lækkun vaxta Viðskipti innlent Jakob Valgeir lét Guðbjart bróður sinn fara Viðskipti innlent Birta nýja ákvörðun um stýrivexti í dag Viðskipti innlent Úthluta eftirstandandi hlutum í Íslandsbanka Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Hver verður Iðnaðarmaður ársins 2025 - kosning Samstarf Fleiri fréttir Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Selja allan eignarhlut ríkisins í Íslandsbanka Sjóvá tapar hálfum milljarði Málaferli vegna innkaupa ÁTVR halda enn áfram Jón Ólafur nýr formaður SA Sjá meira