Neytendur

Dýr smjörvi á Egils­stöðum vekur mikla at­hygli

Jón Ísak Ragnarsson skrifar
Dollan af smjörva kostaði 1.245 krónur.
Dollan af smjörva kostaði 1.245 krónur. Skjáskot

Í gær var vakin athygli á því á Facebook-síðunni „vertu á verði - eftirlit með verðlagi,“ að 400 grömm af klassískum smjörva kostaði 1.245 krónur á N1 á Egilsstöðum. Spurt var hvort þetta væri ekki fullmikið verð, og undirtektir voru miklar.

Ljóst er að verðið er talsvert hærra en í helstu lágvöruverslunum landsins. Í Bónus kostar sama dolla 728 krónur, og í Krónunni kostar hún 729 krónur. Á bensínstöðinni Orkunni kostar hún 849 krónur. Hér er nánari útlistun á verðinu á slíkri dollu, úr appinu Prís.

Þegar þetta er ritað hafa 94 ummæli verið skrifuð við færsluna. „Andskotans rugl er þetta!,“ segir ein en önnur segir létt í bragði, „það þarf að ná upp í kostnað af túristum að sunnan!“

Þá spyr einn hvort þetta sé nokkuð blandað gulli?

Sjá færsluna hér.

Skjáskot
Verðlag Múlaþing Verslun Neytendur


Mest lesið


Fleiri fréttir

Sjá meira


×

Mest lesið