Ferðatryggingar og val á kreditkorti Svandís Edda Hólm Jónudóttir skrifar 3. júlí 2024 20:01 Stundum er ég spurð að því hvort ferðatryggingar kreditkorta séu ekki óþarfi þar sem margir eru með heimilistryggingar sem fela einnig í sér tryggingavernd á ferðalögum. Í einhverjum tilvikum kann það að vera rétt en staðreyndin er sú að ferðavernd fylgir ekki sjálfkrafa með heimilistryggingunni heldur er hún valfrjáls og fyrir hana þarf að greiða aukalega. Því gætu einhverjir talið sig vera með ferðaverndina í sinni heimilistryggingu án þess að sú sé raunin. Loks eru enn aðrir sem kjósa einfaldlega að kaupa ekki slíka vernd. Ferðatryggingar kreditkorta hafa notið vinsælda um árabil og eru góður valkostur fyrir þá sem vilja hafa vaðið fyrir neðan sig á ferðalögum. Þær veita mismikla tryggingavernd, allt eftir því hvaða kreditkort er valið. Hverjar eru þarfir þínar? Rétt er að hafa í huga að við höfum ekki öll sömu þarfir þegar kemur að ferðatryggingum. Dýrasta kortið, með víðtækustu ferðatryggingunum, er til dæmis ekki endilega besti valkosturinn fyrir alla. Veldu alltaf það kreditkort sem hentar þér best. Ef þú ferðast til dæmis oft og jafnvel út fyrir Evrópu má mæla með korti með víðtækri tryggingavernd, sér í lagi góðri sjúkra- og slysatryggingu. Að nýta heilbrigðisþjónustu erlendis getur verið mjög dýrt, einkum ef fólk þarf að leggjast inn á spítala í lengri tíma. Samspil kortatrygginga og ferðaverndar heimilistrygginga Kortatryggingar og ferðavernd heimilistrygginga eru um margt sambærilegar. Þau, sem vilja vera sérstaklega vel tryggð, eru oft bæði með ferðatengda kortatryggingu og ferðatengda heimilistryggingu. Ef hámarksbótafjárhæð er náð á annarri tryggingunni tekur hin við. Á þetta getur reynt þegar kostnaður vegna slyss eða veikinda er verulegur. Oft kemur á óvart hversu hár kostnaður getur hlotist af jafnvel smávægilegustu óhöppum eða atvikum. Auk sjúkra- og slysatryggingaverndar fylgir ýmis önnur tryggingavernd með kreditkortum, ólík eftir tegundum korts, s.s. bílaleigutryggingar með dýrari kortum. Ferðatrygging innan Evrópu Sumir láta Evrópska sjúkratryggingakortið duga þegar ferðast er innan Evrópu. Það er vissulega mikilvægt að hafa það kort meðferðis og í einhverjum tilvikum dugar það til, en þó ekki alltaf. Íslenskir ríkisborgarar eiga rétt á að fá heilbrigðisþjónustu hjá opinberum aðilum og nægir þá oftast að framvísa sjúkratryggingakortinu. Kjósi þeir, eða þurfa af einhverjum ástæðum, að leggjast inn á einkarekið sjúkrahús kann það að vera kostnaðarsamt og ekki víst að sjúkratryggingar endurgreiði allan kostnaðinn. Þá kemur sér vel að vera með ferðatryggingar. Þegar um er að ræða langa sjúkrahúsvist og eða jafnvel sjúkraflug heim til Íslands er sömuleiðis gott að vera með góða ferðatryggingu. Því má segja að góð ferðatrygging auki fjárhagslegt öryggi ferðalanga. Ef þú ferðast sjaldan og aðeins innan Evrópu eru kort með minni tryggingavernd og ódýrara árgjaldi kostur sem vert er að skoða. Finna má ýmis kort með ágætis tryggingavernd og lágu árgjaldi sem ná yfir helstu áhættuþætti. Slík kort kunna jafnframt að henta vel með ferðavernd heimilistrygginga. Neyðarþjónusta fyrir korthafa - öryggisatriði á ferðalögum Kreditkort með ferðatryggingu veita einnig aðgang að neyðarþjónustu SOS. Hjá SOS starfa sérfræðingar sem eru á vakt allan sólarhringinn. Þeir veita ráð um hvernig best er að snúa sér lendi fólk í slysi eða ef upp koma alvarleg veikindi á ferðalagi. Forfallatryggingar og þjófnaður á ferðalagi Að lokum er rétt að nefna að stundum koma upp skyndileg veikindi eða slys sem verða til þess að ekki er hægt að fara í bókaðar ferðir. Þá er hægt að sækja í forfallatrygginguna sem fylgir með flestum kreditkortum. Það er óskemmtileg reynsla að verða fyrir því að farangri eða nýkeyptum varningi sé stolið. Ef það gerist kemur tryggingaverndin í góðar þarfir. Ekki er á allra vitorði að forfallavernd kortatrygginga nær einnig yfir flug og gistingu á ferðum um Ísland. Þá þarf að vísu að greiða helming þess kostnaðar fyrir fram með kortinu. Hér er aðeins tæpt á helstu kostum kortatrygginga og samspili þeirra við ferðavernd heimilistrygginga. Aðalatriðið er að fólk átti sig á hvort, og þá hvernig, það er tryggt áður en haldið er af stað í ferðalag. Höfundur er vörustjóri korta Arion banka. Viltu birta grein á Vísi? Sendu okkur póst. Senda grein Arion banki Ferðalög Tengdar fréttir Hvort er betra, kreditkort eða debetkort? Við veltum oft fyrir okkur hvort sé betra að nota kreditkort eða debetkort, og erum oft sannfærð um að önnur tegundin sé betri en hin. 20. júní 2024 17:00 Ókeypis lán í hverjum mánuði Mörg okkar átta sig ekki á því að þau fá ókeypis lán í hverjum mánuði. Það gildir raunar um alla sem nota kreditkort, til dæmis í daglega neyslu eða í öðrum tilvikum. Kreditkort virka nefnilega þannig að bankinn greiðir úttekt kortsins daginn eftir að það er notað en korthafi hefur allt að 37 daga til að greiða úttektina, allt eftir því hvaða dag kortatímabilsins færslan á kreditkortið á sér stað. 19. júní 2024 10:00 Mest lesið Halldór 11.10.2025 Halldór Hvernig vogar þú þér að gera grín að Möggu Stínu? Elliði Vignisson Skoðun Hvað á Selfoss sameiginlegt með Róm, Berlín, Prag og París? Axel Sigurðsson Skoðun Heimsveldið má vera evrópskt Hjörtur J. Guðmundsson Skoðun Laxness, Njáll og Egill við góða heilsu í FÁ! Helgi Sæmundur Helgason Skoðun „Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson Skoðun Frá lögreglunni yfir á geðdeildina Sigurður Árni Reynisson Skoðun Lukkudagar lífsins er Lóa Björk Ólafsdóttir Skoðun Framtíðin samkvæmt Geoffrey Hinton: Gervigreindin er að læra að sjá heiminn eins og við Sigvaldi Einarsson Skoðun Hættið að þykjast standa með mannréttindum – hafnið nýju útlendingafrumvarpi Jón Sigurðsson Skoðun Skoðun Skoðun Frá lögreglunni yfir á geðdeildina Sigurður Árni Reynisson skrifar Skoðun Lukkudagar lífsins er Lóa Björk Ólafsdóttir skrifar Skoðun Framtíðin samkvæmt Geoffrey Hinton: Gervigreindin er að læra að sjá heiminn eins og við Sigvaldi Einarsson skrifar Skoðun Heimsveldið má vera evrópskt Hjörtur J. Guðmundsson skrifar Skoðun Laxness, Njáll og Egill við góða heilsu í FÁ! Helgi Sæmundur Helgason skrifar Skoðun Hvað á Selfoss sameiginlegt með Róm, Berlín, Prag og París? Axel Sigurðsson skrifar Skoðun „Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson skrifar Skoðun Eflum geðheilsu alla daga Guðbjörg Sveinsdóttir skrifar Skoðun Getur fólk með gigt látið drauma sína rætast? Hrönn Stefánsdóttir skrifar Skoðun Réttlæti hins sterka. Hvernig hinn sterki getur unnið nánast öll dómsmál Jörgen Ingimar Hansson skrifar Skoðun Við sem lifum með POTS höfum verið yfirgefin af kerfinu Elín A. Eyfjörð Ármannsdóttir skrifar Skoðun Drifkraftur bata – Alþjóðlegi geðheilbrigðisdagurinn Sigríður Ásta Hauksdóttir skrifar Skoðun Lordinn lýgur! Andrés Pétursson skrifar Skoðun Það er ekki hægt að þykjast með líf barnanna okkar Ása Berglind Hjálmarsdóttir skrifar Skoðun Í örugga höfn! Örlygur Hnefill Örlygsson,Bergur Elías Ágústsson skrifar Skoðun Reykjavíkurmódelið er skref í rétta átt – fyrir börnin og starfsfólkið Bozena Raczkowska skrifar Skoðun Varasjóður eða hefðbundið styrkjakerfi? Birgitta Ragnarsdóttir skrifar Skoðun Geðheilsa á tímum óvissu og áskorana María Heimisdóttir skrifar Skoðun Kópavogsmódelið Ragnheiður Ósk Jensdóttir skrifar Skoðun Villta vestur ólöglegra veðmálaauglýsinga á Íslandi Skúli Bragi Geirdal skrifar Skoðun Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir skrifar Skoðun Ísland þarf engan sérdíl Magnús Árni Skjöld Magnússon skrifar Skoðun Er edrúlífið æðislegt? Jakob Smári Magnússon skrifar Skoðun Rúmfatalagerinn, ekki fyrir alla! Ragnar Gunnarsson skrifar Skoðun Að gera ráð fyrir frelsi Birgir Orri Ásgrímsson skrifar Skoðun Að þekkja sín takmörk Heiðar Guðjónsson skrifar Skoðun Gervigreind og dómgreind Henry Alexander Henrysson skrifar Skoðun Fjárfesting í réttindum barna bætir fjárhag sveitarfélaga Marín Rós Eyjólfsdóttir skrifar Skoðun Hættið að þykjast standa með mannréttindum – hafnið nýju útlendingafrumvarpi Jón Sigurðsson skrifar Skoðun Alþjóða geðheilbrigðisdagurinn – réttur til réttrar meðferðar Pétur Maack Þorsteinsson skrifar Sjá meira
Stundum er ég spurð að því hvort ferðatryggingar kreditkorta séu ekki óþarfi þar sem margir eru með heimilistryggingar sem fela einnig í sér tryggingavernd á ferðalögum. Í einhverjum tilvikum kann það að vera rétt en staðreyndin er sú að ferðavernd fylgir ekki sjálfkrafa með heimilistryggingunni heldur er hún valfrjáls og fyrir hana þarf að greiða aukalega. Því gætu einhverjir talið sig vera með ferðaverndina í sinni heimilistryggingu án þess að sú sé raunin. Loks eru enn aðrir sem kjósa einfaldlega að kaupa ekki slíka vernd. Ferðatryggingar kreditkorta hafa notið vinsælda um árabil og eru góður valkostur fyrir þá sem vilja hafa vaðið fyrir neðan sig á ferðalögum. Þær veita mismikla tryggingavernd, allt eftir því hvaða kreditkort er valið. Hverjar eru þarfir þínar? Rétt er að hafa í huga að við höfum ekki öll sömu þarfir þegar kemur að ferðatryggingum. Dýrasta kortið, með víðtækustu ferðatryggingunum, er til dæmis ekki endilega besti valkosturinn fyrir alla. Veldu alltaf það kreditkort sem hentar þér best. Ef þú ferðast til dæmis oft og jafnvel út fyrir Evrópu má mæla með korti með víðtækri tryggingavernd, sér í lagi góðri sjúkra- og slysatryggingu. Að nýta heilbrigðisþjónustu erlendis getur verið mjög dýrt, einkum ef fólk þarf að leggjast inn á spítala í lengri tíma. Samspil kortatrygginga og ferðaverndar heimilistrygginga Kortatryggingar og ferðavernd heimilistrygginga eru um margt sambærilegar. Þau, sem vilja vera sérstaklega vel tryggð, eru oft bæði með ferðatengda kortatryggingu og ferðatengda heimilistryggingu. Ef hámarksbótafjárhæð er náð á annarri tryggingunni tekur hin við. Á þetta getur reynt þegar kostnaður vegna slyss eða veikinda er verulegur. Oft kemur á óvart hversu hár kostnaður getur hlotist af jafnvel smávægilegustu óhöppum eða atvikum. Auk sjúkra- og slysatryggingaverndar fylgir ýmis önnur tryggingavernd með kreditkortum, ólík eftir tegundum korts, s.s. bílaleigutryggingar með dýrari kortum. Ferðatrygging innan Evrópu Sumir láta Evrópska sjúkratryggingakortið duga þegar ferðast er innan Evrópu. Það er vissulega mikilvægt að hafa það kort meðferðis og í einhverjum tilvikum dugar það til, en þó ekki alltaf. Íslenskir ríkisborgarar eiga rétt á að fá heilbrigðisþjónustu hjá opinberum aðilum og nægir þá oftast að framvísa sjúkratryggingakortinu. Kjósi þeir, eða þurfa af einhverjum ástæðum, að leggjast inn á einkarekið sjúkrahús kann það að vera kostnaðarsamt og ekki víst að sjúkratryggingar endurgreiði allan kostnaðinn. Þá kemur sér vel að vera með ferðatryggingar. Þegar um er að ræða langa sjúkrahúsvist og eða jafnvel sjúkraflug heim til Íslands er sömuleiðis gott að vera með góða ferðatryggingu. Því má segja að góð ferðatrygging auki fjárhagslegt öryggi ferðalanga. Ef þú ferðast sjaldan og aðeins innan Evrópu eru kort með minni tryggingavernd og ódýrara árgjaldi kostur sem vert er að skoða. Finna má ýmis kort með ágætis tryggingavernd og lágu árgjaldi sem ná yfir helstu áhættuþætti. Slík kort kunna jafnframt að henta vel með ferðavernd heimilistrygginga. Neyðarþjónusta fyrir korthafa - öryggisatriði á ferðalögum Kreditkort með ferðatryggingu veita einnig aðgang að neyðarþjónustu SOS. Hjá SOS starfa sérfræðingar sem eru á vakt allan sólarhringinn. Þeir veita ráð um hvernig best er að snúa sér lendi fólk í slysi eða ef upp koma alvarleg veikindi á ferðalagi. Forfallatryggingar og þjófnaður á ferðalagi Að lokum er rétt að nefna að stundum koma upp skyndileg veikindi eða slys sem verða til þess að ekki er hægt að fara í bókaðar ferðir. Þá er hægt að sækja í forfallatrygginguna sem fylgir með flestum kreditkortum. Það er óskemmtileg reynsla að verða fyrir því að farangri eða nýkeyptum varningi sé stolið. Ef það gerist kemur tryggingaverndin í góðar þarfir. Ekki er á allra vitorði að forfallavernd kortatrygginga nær einnig yfir flug og gistingu á ferðum um Ísland. Þá þarf að vísu að greiða helming þess kostnaðar fyrir fram með kortinu. Hér er aðeins tæpt á helstu kostum kortatrygginga og samspili þeirra við ferðavernd heimilistrygginga. Aðalatriðið er að fólk átti sig á hvort, og þá hvernig, það er tryggt áður en haldið er af stað í ferðalag. Höfundur er vörustjóri korta Arion banka.
Hvort er betra, kreditkort eða debetkort? Við veltum oft fyrir okkur hvort sé betra að nota kreditkort eða debetkort, og erum oft sannfærð um að önnur tegundin sé betri en hin. 20. júní 2024 17:00
Ókeypis lán í hverjum mánuði Mörg okkar átta sig ekki á því að þau fá ókeypis lán í hverjum mánuði. Það gildir raunar um alla sem nota kreditkort, til dæmis í daglega neyslu eða í öðrum tilvikum. Kreditkort virka nefnilega þannig að bankinn greiðir úttekt kortsins daginn eftir að það er notað en korthafi hefur allt að 37 daga til að greiða úttektina, allt eftir því hvaða dag kortatímabilsins færslan á kreditkortið á sér stað. 19. júní 2024 10:00
„Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson Skoðun
Framtíðin samkvæmt Geoffrey Hinton: Gervigreindin er að læra að sjá heiminn eins og við Sigvaldi Einarsson Skoðun
Hættið að þykjast standa með mannréttindum – hafnið nýju útlendingafrumvarpi Jón Sigurðsson Skoðun
Skoðun Framtíðin samkvæmt Geoffrey Hinton: Gervigreindin er að læra að sjá heiminn eins og við Sigvaldi Einarsson skrifar
Skoðun „Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson skrifar
Skoðun Réttlæti hins sterka. Hvernig hinn sterki getur unnið nánast öll dómsmál Jörgen Ingimar Hansson skrifar
Skoðun Við sem lifum með POTS höfum verið yfirgefin af kerfinu Elín A. Eyfjörð Ármannsdóttir skrifar
Skoðun Reykjavíkurmódelið er skref í rétta átt – fyrir börnin og starfsfólkið Bozena Raczkowska skrifar
Skoðun Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir skrifar
Skoðun Hættið að þykjast standa með mannréttindum – hafnið nýju útlendingafrumvarpi Jón Sigurðsson skrifar
Skoðun Alþjóða geðheilbrigðisdagurinn – réttur til réttrar meðferðar Pétur Maack Þorsteinsson skrifar
„Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson Skoðun
Framtíðin samkvæmt Geoffrey Hinton: Gervigreindin er að læra að sjá heiminn eins og við Sigvaldi Einarsson Skoðun
Hættið að þykjast standa með mannréttindum – hafnið nýju útlendingafrumvarpi Jón Sigurðsson Skoðun