Ýmir Örn fer frá N1

Ýmir Örn hefur starfað sem framkvæmdastjóri N1 frá því í júní á síðasta ári. Þaðan kom hann frá Deloitte þar sem hann var yfirmaður viðskiptagreiningar frá árinu 2021. Hann er með meistaragráðu í reikningshaldi og fjármálum frá Cass Business School í London og Bachelor gráðu í viðskiptafræði frá HR.

Í tilkynningu frá Festi segir að Ásta S. Fjeldsted, forstjóri Festis, muni gegna starfi framkvæmdastjóra N1, þar til nýr aðili verði ráðinn. Starfið verði auglýst laust til umsóknar á næstu vikum.

„Við þökkum Ými fyrir gott samstarf og samfylgdina síðastliðið ár og óskum honum velfarnaðar í nýjum verkefnum,“ er haft eftir Ástu.

„Síðasta ár hefur verið mjög viðburðarríkt og gaman að hafa fengið að kynnast þessu öfluga félagi sem N1 er. Ég vil þakka öllu starfsfólki félagsins fyrir frábært samstarf,“ er haft eftir Ými Erni.